بعد غنائها مع تامر حسني.. مريم أبو حجر تطرح أولى أغانيها "عم الجامد"
طرحت المطربة مريم أبو حجر تطرح أولى أغانيها والتي تحمل اسم "عم الجامد"، عبر قناتها الرسمية بموقع الفيديوهات الشهير "يوتيوب"، وحققت الأغنية مشاهدات مرتفعة، هذا إلي جانب تصدرها تريند موقع الفيديوهات القصيرة "تيك توك".
وقررت مريم أبو حجر، طرح أولى أغانيها "عم الجامد"، بعد غنائها مع نجم الجيل تامر حسني، في إحدى حفلاته الغنائية بأغنيه" أطمن"، وحققت نجاح كبير، وانتشار واسع حيث حققت الأغنيه التي قامت بغنائها مع نجم الجيل نحو مليون مشاهدة عبر موقع الفيديوهات الشهير يوتيوب.
أغنية "عم الجامد"، غناء مريم أبو حجر، ومن كلمات زياد وائل، ومن ألحان حمني، والجيتار مصطفى نصر.
وتقول كلمات الأغنية:
انا بردو بخاف على زعلك
بس إلى حصل مش عادى
دا بقالى كتير بتحايل
و بصالح فيك وبدادى
زعلان مش عايزة اشوفك
بتبص الجمب التانى
ايه يعنى اتأخر ساعة ونص
و تقعد تستنانى
ما خلصنا يا عم الجامد
و عرفنا ان انت مسيطر
و انك لو قولت ١١ تبقى ١٢ مش هتأخر
زى ما بتعيش فى شبابك
انا عايزة انى اعيش سنى
ليك مرا كل ١٢ شهر هتسمع حاضر منى
منا بردو كتير اوى بزعل
بس انا على طول بتصالح
مش فاكر من شهرين انا قفشف
و عدتهالك امبارح
جبتلى عربية بنفس اللون
اللى انت لاحظته عجبنى
كل الحركات إلى بتعملها بسيطة وبتفرحنى
ما خلصنا يا عم الجامد
و عرفنا ان انت مسيطر
و انك لو قولت ١١ تبقى ١٢ مش هتأخر
زى ما بتعيش فى شبابك
انا عايزة انى اعيش سنى
ليك مرا كل ١٢ شهر هتسمع حاضر منى.
