سمية الخشاب تعقب بخصوص مقارنتها بجورجينا صديقة رونالد: مفيش حد زيي
تصدر اسم النجمة المصرية سمية الخشاب مواقع التواصل الاجتماعي بعدما اعتبرت أنها "أحلى" من عارضة الأزياء الأرجنتينية جورجينا رودريغيز، صديقة نجم كرة القدم كريستيانو رونالدو.
وقالت سمية الخشاب، خلال حلولها ضيفة على برنامج "كتير هالقد" عبر قناة MTV اللبنانية، "أنا عندي مشاعر بريئة تجاه رونالدو وبحب دماغه وتركيزه ولعبه؛ لأنه شخص مضيع عمره في التمرين".
كما لفتت سمية الخشاب إلى أنها تحب محمد صلاح نجم الكرة المصرية؛ لأنه "راجل صعيدي وأنا بحب الصعايدة لأنهم أجدع رجالة".
بخصوص مقارنتها بجورجينا صديقة رونالدو جورجينا، علقت سمية الخشاب قائلة: "مفيش حد زيي لأني أحلى من جورجينا ومفيش واحدة عندها جاذبية وحلاوة ودم خفيف كدا".
وأضافت: "أنا مش بغير من أي ست لأن ربنا خلقني جميلة وفيا كل حاجة. أغير ليه؟".
وتابعت: "أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام، أنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا".
وأضافت الفنانة المصرية: أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل".
ومضت قائلة: "أنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في يدها ومعتقدش إني هعمل كدا".
وحول مشاركتها في الموسم الرمضاني القادم، قالت سمية الخشاب: "للأسف لا يوجد شيء في رمضان، أما بعد رمضان فلدي فيلم ومسلسل جديد وأعمل بهم حاليًا".
