وسط دموع بكاء شديد.. أول ظهور لـ "علا غانم" بعد مرضها وتفاصيل أزمتها مع زوجها
تصدر اسم الفنانة المصرية علا غانم مواقع التواصل الاجتماعي خلال الساعات الماضية بعدما تحدثت هن تفاصيل زواجها الأخير بعد أزمتها الأخيرة معه.
وقالت علا غانم، وذلك خلال لقائها اليوم ببرنامج "صبايا الشمس" مع المذيعة ريهام سعيد: "أنا اتجوزت أخر 2005، أنا متجوزتش ولا ملياردير ولا مليونير ولا أي حاجة، أنا اتجوزت راجل عادي مصري أمريكي قابلته بالصدفة في أمريكا، كان عنده محطة بنزين وباعها، وكان عنده مطعم ونايت بردو كان بايعه".
وأضافت علا غانم: ولما قابلته قالي أنا بطلت كل حاجة وعايز يبقى مبيشتغلش ويرتاح، وسافرت أمريكا بصور قابلت واحد بعد شهر لقيته جاي ورايا مصر بيقولي أنا عايز اتجوزك وإلحاح وإصرار.
وتابعت علا غانم : "اتجوزته عشان كنت محتاجة في المرحلة اللي أنا فيها راجل جانبي، كان أكبر مني في السن بحوالي 16 سنة، حسيت أن هو هيكون إحتواء ليا سند هيساعدني في اللي جاي، بناتي بيكبروا، بمثل وقتي مش فاضي".
وأكملت علا غانم : "أنا انفصلت عن أبو البنات وقعدت 11 سنة سنجل وبعدين اتجوزت جوازة فاشلة قعدت ست شهور واتطلقت في ثانية، بعدين قابلت زوجي السابق".
واستكملت علا غانم : "هو طلب الجواز مني أول ما شوفته في أمريكا وأنا رفضت وقولتله أنا معرفكش ولا أنت تعرفني، وبعدين أنا مش بتجوز غير في بلدي".
