تجميد البويضات والمثلييين والزواج من مسيحي.. ناهد السباعي تثير الجدل باعترافات مثيرة
آثارت الفنانة المصرية ناهد السباعي، الجدل داخل منصات السوشيال ميديا بعد تصريحاتها الأخيرة عن تجميد بويضاتها والهروب يوم زفافها من عريسها.
وقالت "السباعي"، إنها جمدت بويضاتها بطلب من والدتها المنتجة ناهد فريد شوقي، متابعةً: "كان لازم أجمد بويضاتي علشان متسرعش في اختيار شريك حياتي وبعد كده ابقى مضطرة اخلف منه".
وأضافت: "لازم اختار شريك حياتي بشكل أحسن، وخدت القرار ومكنتش خايفة من المستقبل، وأريح والدتي وأختي، وعلشان يكون اختياري سليم ونفسي يكون أولادي شبه والدهم".
وعن هروبها من حفل زفافها وعدم اكتمال زيجتها قالت: " أنا متأكدة إن اللي أنا فيه أحسن بكتير، فلو علمتم الغيب لاخترتم الواقع، والحياة اللي كنت هبقى فيها مش مناسبة ليا ومش شبهي".
وأضافت: "كنت غلطانة ويمكن اتصرفت متأخر شوية وكان لازم أعمل كده بدري ومفيش حد بيتعلم ببلاش وأنا تحملت نتيجة اللي أنا عملته".
وتابعت ناهد السباعي: "ودايمًا بنات كتير بتفكر إننا نقدر نصلح أو نغير حاجات معينة بعد الجواز ولكن ده مش حقيقي ومفيش حد بيغير حد، بالعكس الناس بعد الجواز بتريح وبتبقى على طبيعتها أكتر، ولازم البنت تحترم وتقدر نفسها وتعرف تبقى مع حد شبها وده اللي استفدته من التجربة"، وعن علاقتها بوالدتها قالت: " أنا متعلقة بيها أوي لدرجة إني بنام جنبها في السرير لحد دلوقتي في وناس قالت إن العلاقة دي سبب فشل جوازتي لكن ده مش صحيح وقرار الجواز بيبقى أسهل في حالة وجود أب وأم متفاهمين مع ابنهما للوصول للاختيار الصح".
وأضافت السباعي أنها على استعداد للزواج من شخص مسيحي الديانة، مؤكدة في الوقت ذاته: "معترفة بوجود المثليين لأنهم موجودين منذ بدء الخليقة".
وتشارك ناهد السباعي، في مسلسل الأجهر وهو من بطولة: عمرو سعد، ودرة، وسيد رجب، وعمرو عبد الجليل، وأحمد مجدي، وخالد زكي، ومحمود قابيل، وعارفة عبد الرسول، وسارة سلامة، ونور النبوي، وأحمد صفوت، من تأليف: ورشة ملوك، وإخراج: ياسر سامي.
تدور أحداث المسلسل في إطار اجتماعي شعبي حول شاب خارج على القانون نشأ في إصلاحية بسبب قتل والدته، وبالرغم من الظروف الصعبة التي يمر بها إلا أنه يمتلك صفات نبيلة.
