تعليق مثير للإعلامي عمرو أديب على هزيمة الزمالك أمام البنك الأهلي بثلاثية دون رد
تصدر الإعلامي عمرو أديب تريند جوجل بعدما علق على هزيمة الزمالك أمام البنك الأهلي بثلاثية دون رد، أمس الأحد، في دور الـ 16 من بطولة كأس الرابطة المصرية، وتوديع المسابقة.
وقال أديب في تعليق خلال برنامجه «الحكاية»، والذي يعرض عبر قناة إم بي سي مصر، مساء الاثنين: الزمالك لعب 17 مباراة في 2023 اتغلب في 10، إحنا مش بنتكلم عن فريق، إحنا بنتكلم عن خرابة، 3 أهداف في 7 دقائق إمبارح، رقم قياسي عالمي جديد.
وأضاف: كل يوم فريق الزمالك بينزل، مفيش مدرب ورئيس النادي في السجن، مستنيين ايه من لعيبة الزمالك، النهارده عبدالمقصود وبكره عبدالمعبود»، متسائلًا: «معقول تاني أكبر فريق في مصر مش عارف له مدرب؟ ده شيء مهين وبايخ وشكله وحش، ليه بيتعمل فينا كده.. ليه الزمالك بيتهان؟
وطالب أديب بإنقاذ الزمالك، قائلًا: «عاوز أعرف الدولة بتتفرج ليه؟ الدولة بتكتب على سطر وتسيب سطر، النادي ده بتاع الدولة والفلوس اللي بتضيع دي فلوس الناس.
وتابع: الأهلي مش منور أوي ومش في أعظم حالاته، لكن الزمالك تدهور تدهورا كبيرًا، اللاعيبة متكسرة نفسيًا وليس بدنيًا.
