محمود بدر يُشيد بفريق عمل مسلسل "تحت الوصاية".. ما الأسباب؟
أشاد محمود بدر عضو مجلس النواب المصري، بفريق عمل مسلسل تحت الوصاية الذي حقق نجاحًا كبيرًا في السباق الرمضاني الماضي.
وقال "بدر" في منشور له عبر "فيس بوك": "شكرا بجد لكل فريق عمل تحت الوصاية مش بس لإن العمل بيناقش قضية بتعمق شوية وبتفاصيل وده شئ كنا مفتقدينه من فترة كبيرة، لكن كمان إنهم نجحوا يقدمولنا فن جميل بجد".
وأضاف: "نجحوا يخلونا نعيش تفاصيل حياة حنان وأسرتها طول ال ١٥ حلقة، نزعل عليها لما حد يضايقها، ونفرح معاها لما ربنا يرزقها في السرحة أو لما المطعم يشتغل.. نحب اللي يجدع معاها زي عم ربيع والأستاذ زكريا ونكره اللي يضايقها زي صالح أو تاجر الجملة سيد".
وتابع: "شكرا لأنكم طمنتونا علي مستقبل الفن في مصر سنين كتير قدام، ماهو ياسين ده بيثبت ان #الفن_مصري وهيفضل بالمصري إلى يوم يبعثون".
واستطرد: "شكرا انكم موقفتوش عند الناس اللي مخها تحت الوصاية واللي حكمت عالمسلسل من قبل ما ينزل بسبب البوستر وخليتهم يبلعوا لسانهم بعد كده ويارب يتعلموا ميحكموش علي حاجة من بعيد !!ورغم كمية الحزن اللي قفلتوا بيها في العيد بس برضه شكرا ليكم".
