"تامر حسني موقفش جنبي".. سبب انهيار مروة عبدالمنعم على الهواء
تصدرت الفنانة مروة عبدالمنعم تريند جوجل، خلال الساعات الماضية، وذلك عقب انهيارها من البكاء على الهواء مباشرة، وذلك خلال لقائها في برنامج "قعدة ستات"، المذاع على فضائية "القاهرة اليوم" وتقدمه الإعلامية مروة صبري.
وقالت مروة عبدالمنعم: "كنت لسه بقول لبنتي مش عارفه أنا صرفت عليكم طول السنين اللي فاتت دي ازاي"، متابعةً: "بس بتمشي، أنا وقفت جنب نفسي محدش وقف جنبي، طبعا بعد ربنا، ربنا ده عظيم وكريم، بقعد ساعات أقول أنا بصرف السنة دي ازاي لكن في ناس كتير وقفت جنبي منهم أشرف زكي وإدوارد، ودول اللي كانوا اقفين معايا".
وأوضحت: "ومش هقول مين اتخلى عني، وفي ناس استنيت إن هما يبقوا معايا ومزعلني أوي ومش عايزة أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة".
وأضافت: "أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا وأشرف زكي وقف معايا جامد جدًا بصراحة".
وتابعت: "ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج، وتامر من الناس اللي قريبة مني، ومبعتش رسالة ولا كلمني".
وعلى جانب آخر كشفت مروة عبدالمنعم، تفاصيل واقعة وفاة خادمتها في بيتها واتهامها بأنها السبب في وفاتها حيث قالت: "الفتاة كانت في المنزل لكنا طلبت أن تقوم بالاستحمام، ولما تأخرت في دورة المياه حاولت الدخول إليها إلا أنني فوجئت بأنها قد سقطت وعلى الفور نقلتها للمستشفى إلا أنها توفت بعد وصولها للمستشفى".
