الإعلامي المصري عمرو أديب يعلق على الجدل المثار بسبب غناء الشيخ ممدوح عامر في حفل زفاف شقيقه
أثار القارئ ممدوح عامر جدالًا كبيرًا على مواقع التواصل الاجتماعي.
حيث علق الإعلامي المصري عمرو أديب، على الجدل المثار بسبب غناء القارئ ممدوح عامر في حفل زفاف شقيقه.
وقال أديب، خلال تقديم برنامجه الحكاية، عبر قناة إم بي سي مصر، مساء السبت: هل الموضوع ده من الأولويات؟ ده في بلاوي زرقة، لو عايز تكلم يعني، وعايز تبقى سخن، تعالى نتكلم في الأشياء اللي تهمنا.
وأضاف: ده فرح، والراجل بيجامل أخوه، وبعدها بقى فيه بيانات للجهات المختصة وتحويل للتحقيق، ابتدى يبقى عندي إحساس إن نص مصر محالة للتحقيق، أنا مع القيم والمبادئ، ولكن ده بيجامل في مناسبة، إحنا كمصريين في الأفراح بنكسر القواعد.
وتابع أديب: فرح أخوه وانفعل، يا جماعة الرحمة شوية، ده بيعمل حالة توحش جماعي، فين القلب الحنين والطبطبة بتاعة المصريين، وبعدين يا جماعة انتوا عندكم كل الوقت ده، طب بتعملوا الحاجات المهمة امتى، يعني ليك رأي في الراجل ده، ورأي ماتش الأهلي، ورأي في كيلو اللحمة، الحياة فيها حاجات أخرى، لازم نحط طاقتنا في الشغل.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/MatnNews1
