ياسمين عز عن عودة الزواج في بيت العائلة: اللي متجوزتش في بيت حماتها الفرح والهنا فاتها
تصدر اسم المذيعة المصرية ياسمين عز مواقع التواصل الاجتماعي خلال الساعات الماضية.
جاء ذلك بعدما كشفت المذيعة ياسمين عز رأيها في الدعوات المنتشرة عبر وسائل التواصل الاجتماعي بشأن عودة الزواج في بيت العائلة، بسبب ارتفاع تكاليف الزواج.
وقالت ياسمين عز خلال برنامجها كلام الناس عبر قناة إم بى سى مصر، السبت، إنها من أنصار الفكرة، موضحة أنها من أفضل الحلول لأزمة غلاء تكاليف الزواج، كما أنها ستحد من حالات الطلاق.
وعددت بعض مميزات الزواج في بيت العائلة، قائلة: اللي متجوزتش في بيت حماتها الفرح والهنا فاتها، مبدئيًا جوزك مش هيحس معاكي بالغربة، لأنه هيكون في البيت اللي اتربى وعاش فيه من وهو صغير، ورهبة إنه يكون معاكي في بيت جديد مش هتبقى موجودة.
وأضافت مخاطبة السيدات: هتكوني عايشة في بيت الخبرة، اللي فيه الأب والأم، واللي ممكن تاخدي نصايحك منهم، مش هيخدعوكي أو يضروكي لأنك مرات ابنهم، وفي مقام بنتهم.
وتابعت ياسمين عز: إيه المشكلة لما تتجوزي وتعيشي مع حماتك وإخوات جوزك الغزلان في نفس البيت، ولو وحشك مج النسكافيه بتاعك خديه معاكي.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
