أول تعليق من مصطفى كامل بعد ترشحه لمقعد النقيب.. ورسالة للمرشحين
وجه الفنان المصري مصطفى كامل نقيب الموسيقيين رسالة للمرشحين على مقعد النقيب عبر حسابه الرسمي بموقع التواصل الاجتماعي فيسبوك خلال الساعات القليلة الماضية، خاصة بعد ترشحه للمرة الثالثة اليوم داخل مقر النقابة.
وكتب مصطفى كامل عبر حسابه بموقع فيسبوك: لكل زملائي المرشحين على منصب النقيب العام أو عضو مجلس الإدارة، أقسم بالله وبكتاب الله ما ليا قائمة، المرشحين كلهم أفضل من بعض واللي هييجي على الترابيزة دي هنشتغل مع بعض ولن أقبل بحد ينتفع من وراء الموسيقيين، واللي مفكر أنه يسرق يقعد في بيتهم واللي ناوي ياخد حق اليتامى من القديم والجديد هتكون سنينه سودة.
وأضاف: عاوزين ناس شرفاء وأمناء على حقوق الغلابة، ومش بحب الفساد ولا أنا راجل فاسد ولا هقبل بحد فاسد معايا، وأحلامي الفترة الجاية هتكون أعلى على المستوى الإداري والخدمات والموظفين والواجهات المرشحة.
وتابع: وبحق كتاب الله ما ليا قائمة، ومش هوصي حد على حد وكله بمجهوده وعلاقته، ومش هقدر أمسك غير كتاب ربنا وماليش قايمة وزملائكم مطروحين عليكم وتوكلوا على الله وأنا مع الله وهفضل مع الله.
وتابع مش هقبل كلام وحش على النقابة، ومفيش نقابة محترمة تسمح إن حد فيها يكتب عنها نقابة الفساد والعار، إزاي تكتب على بيتك كده ولا نفسك، لو شفت عار تقدم لرئيس مجلس الإدارة، ولما ما يجيش حقك اعمل اللي أنت عاوزه، لكن ليه تكون قاعد فاضي وتكتب نقابة العار، ولاحقا لو ربنا ولأن الأمر ده مش هيكون مقبول، وبقرارات مجلس الدولة هناخد قرارات ونرفع قضايا في المحاكم لأنها جريمة والدولة تجرم السب والقذف إلكترونيا.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
