"شوية قبيضة".. أحمد عبدالقادر يفتح النار على صفحات الأهلي بالسوشيال ميديا
فتح أحمد عبد القادر نجم النادي الأهلي المصري، اليوم الجمعة، النار علي صفحات النادي على السوشيال ميديا متهمًا بعضها بمجاملة اللاعبيبن مقابل الحصول على الأموال.
وقال "عبدالقادر" في منشور له عبر "فيس بوك": "جمهور الأهلي أكبر منكم يا شويه هايفين سواء الاهلي اليوم أو ماجيكانو ياللي بتقبضو الفلوس علشان تعللوا ده وتوطوا ده أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه جو الأدمن بتاعكوا والفلوس اللي بتتوزع عليكوا وقدام عيني".
وأضاف: "وحد عرض عليا اعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان عارف أنا بتعب ازاي وهفضل طول عمري شريف مش بتاع الف والفين جنيه ابيع بيهم كرامتي فبلاش أنتوا علشان أنتوا لا تمسو للنادي الاهلي باي شئ".
وأوضح: "النادي الاهلي أكبر نادي في العالم مش في مصر فاللي أنتو عاوزينو ده مبعملوش والاجازه يا انا يصفحاتكو اللي كلها نفاق ورشاوي وبقولها لآخر مره انا بتاع شغل مش بتاع رشاوي وبعدين لقطة ركز جوا الملعب وسيبك منهم رد في الملعب رد في الملعب إيه ما تنضجو شويه لما حد بياخد فلوس ويغلط فيك سنه كامله واكتر ويشتم اهلك تقولي رد في الملعب ولما ترد يقولك متركزش معاهم".
واختتم: "مين قال انهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل وجمعه مباركة".
