شيكابالا vs مرتضى منصور.. أزمة الزمالك تواصل التمدد والاشتعال
رد أحمد مرتضى منصور عضو مجلس إدارة نادي الزمالك المصري، على طلبه بتقديم المجلس استقالته بعد الأزمات التي يشهدها الفترة الأخيرة، وتراجع النشاط الرياضي بجميع الألعاب.
وكتب أحمد مرتضى عبر حسابه الرسمي على "تويتر": "استقيل ليه؟، يا كابتن أنا واخد بطولات أكتر من حضرتك 10 مرات سواء عندما كنت لاعب أو إداري".
وتابع: "هل منطقي لو في اخفاق موسم واحد استقيل، للأسف الكلام بيكون قدام الناس كلام، وفي الغرف المغلقه كلام تاني".
واختتم: "كابتن أيمن عندنا شغل أكتر من الكلام، لو حابب تساعد تشرف، دا نادينا كلنا لحضرتك كل الاحترام".
مطالب بالاستقالة
وكتب أيمن يونس في رسالته لأعضاء الإدارة: "السادة أعضاء المجلس المتبقين، إذا كان لديكم ذرة حب متبقية جوة قلوبكم لنادي الزمالك، فاستقيلوا حتي نتذكر لكم موقف جيد، وكفاية بجد".
وتابع: "أما عن شيكابالا الأسطورة المخلص ابن نادينا جينات، دم، روح، فأنا أشهد لك أنك في كل مواقفك كنت عاشق للزمالك وجماهيره، دون مزايدات".
رد عنيف
رد أحمد عيد عبد الملك نجم الزمالك السابق، على سخرية أحمد مرتضى منصور عضو مجلس إدارة الأبيض، من أيمن يونس بعد مطالبته بالاستقالة.
وكان أحمد مرتضى منصور قد هاجم أيمن يونس، بعدما طالب أعضاء مجلس الإدارة بالاستقالة، حيث كتب: "أنا واخد بطولات أكتر منك 10 مرات".. التفاصيل كاملة.
ليرد أحمد عيد عبر حسابه على موقع التدوينات القصيرة "تويتر": "البطولات: وقف القيد، فشل في تجديد عقود نجوم الفريق، بيع نجوم الفريق، بيع أهم لاعب في مركزه، دون نسبة إعادة بيع ورجوعه على المنافس".
وتابع: "10 سنين مخدتش دوري أبطال اللي كابتن أيمن معاه منه 3، وأبوك اللي بيخوض في أعراض الناس، واللاعيبة اللي في النادي".
وواصل: "فرع 6 أكتوبر اللي روحت اتصورت جنب الونش وجيت، النادي اللي بقى 100 ألف عضوية، ومحدش بيعرف يقعد فيه، ده حتى فشلت تظبط المنبه تصحي أخوك يدفع غرامة اتشيمبونج، وصحيته علشان يتكتك لبابا في الانتخابات".
واختتم: "هو أنت عمرك أخدت قرار أو أي حد معاك يقدر ياخد قرار، انتو صورة بس، ادخل بقي كدة على كلامك ده لكابتن أيمن اللي محدش ينفع يتقارن برباط جزمته، ودمه اللي كان بيسيل في الماتشات علشان يعمل تاريخ للنادي، وشوف رد فعل الناس، لو لقيت 10 معاك من الجمهور يبقى أنت الكسبان".
وشهدت الأيام الأخيرة، أزمة بين محمود عبد الرازق شيكابالا قائد الفريق، مع مرتضى منصور رئيس الزمالك المعزول، بعد هجوم الأخير على اللاعب، عقب وداع الفريق للبطولة العربية من دور المجموعات.
وأصدر شيكابالا بيانًا أمس الثلاثاء، للرد على اتهامات مرتضى منصور التي طالته، بتحريض اللاعبين على التمرد بسبب تأخر الرواتب، كاشفًا العديد من الكواليس التي تسببت في خروج الفريق خالي الوفاض من البطولات.
انضموا لقناة متن الإخبارية على تيليجرام وتابعوا أهم الأخبار في الوقت المناسب.. اضغط هنا https://t.me/matnnews1
