الفنان عثمان محمد علي يتحدث عن ذكرياته بالفن وعلاقته بـ" نور الشريف" ورأيه في محمد رمضان
عثمان محمد علي.. تحدث الفنان الكبير عثمان محمد علي، أثناء حلوله ضيفًا على برنامج من مصر، للإعلامي عمرو خليل، عن الكثير من ذكرياته بالفن، وخصوصا علاقته بالفنان الراحل نور الشريف، كما كشف رأيه بالفنان محمد رمضان، واصفا إياه بـ بالظاهرة القدرية.
وكشف الفنان عثمان محمد علي، في بداية حديثه عن علاقته بالفنان الكبير نور الشريف حيث قال: الشغل مع الراحل نور الشريف كان حلو أوي، وكان بيريح الممثل اللي قدامه وبيديله فرصته.
وتابع: ممثلين الزمن الجميل كانوا قدوة في كلامهم ولبسهم وأدوارهم، والمنتجين شافوا إن ده اتغير دلوقتي فمشيوا مع الموجة.
كما تحدث الفنان عثمان محمد علي، خلال لقائه عن الفنان محمد رمضان قائلا: محمد رمضان ظاهرة قدرية، الراجل ده لا جري ورا حد ولا قالوهم شغلوني، الدنيا جت لحد عنده وقالت له شبيك لبيك.
وتابع: الناس كلها بتجري وراه وهو مجريش ورا حد، مخدش فلوس حد، مأجبرش المنتجين على إنهم يدولوا فلوس، الممثلين بيجروا وراه عشان يشتغلوا معاه.
وأشار إلى ان: اللي هو فيه ابتلاء من الله هيشكر أم لا؟، والشكر هنا إنه يرجع عن أدوار القدوة السيئة، ويعمل أدوار فيها قدوة حسنة للناس.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
