ياسمين صبري عن كيم كارداشيان: بتمسك أي حاجة تخليها دهب
تصدر اسم النجمة العالمية كيم كارداشيان محركات البحث خلال الساعات الماضية، بعدما كشفت الفنانة ياسمين صبري عن رأيها في كيم كارداشيان، مؤكدة على أنها نموذج سيئ، على الرغم أنها تحول أي شىء إلى ذهب.
وأضافت في لقائها مع الإعلامي عمرو أديب في برنامج الحكاية على قناة mbc مصر: هي بتشتغل بيزنس وومان، وهل هنفضل نسأل هي بتشتغل ايه، وهي داخلة في ثروة تصل لـ 2 مليار!.
وتابعت: هي ست بتحط نقط ومميزات الجمال في العالم على اللي بتعمله، هي الميزان، لو عملت كده دي الموضة، عملت كده ده الجمال.
واَوضحت: هي مش نموذج لي، أنا شايفاها ست عرفت تستخدم مشاكلها صح.
واستطردت: عندي شركة ميكب بتاعتي، هتنزل السنة الجاية انشالله، هيبقى فيه براند واسمه pose لياسمين صبري وهنتج كل حاجة خاصة بالميكب.
وأردفت: كارداشيان بتمسك أي حاجة تخليها دهب لكن ده نموذج سيئ ومش عايزين نحطه للناس كإنجاز، ده مش إنجاز.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
