وفاء عامر تعلق على الأزمة بين الفنان بيومي فؤاد وزميله الفنان محمد سلام
علقت الفنانة المصرية وفاء عامر على الأزمة بين الفنان بيومي فؤاد وزميله الفنان محمد سلام، بعد اعتذار الأخير عن عدم المشاركة مسرحية زواج اصطناعي، في موسم الرياض بالسعودية، وهجوم الأول على الثاني في فيديو منتشر على مواقع التواصل الاجتماعي.
وقالت «عامر»، خلال مداخلة هاتفية مع برنامج «تفاصيل»، عبر قناة «صدى البلد»، مساء الأحد: «محمد سلام مش قادر يقف على المسرح، بس إحنا مكبرين المسألة زيادة عن اللزوم، هو مش قادر خلاص، مع الاعتذار في التشبيه ممكن لما حد يدوس على قطة في الشارع يقف على جنب يعيط، فما بالك بالبنى آدمين، في ناس بتقدر وناس مبتقدرش».
وعن موقفها من المشاركة في العمل حال إذا كانت في موقف محمد سلام، قالت: «كل واحد فينا يختلف عن الآخر، في ممكن يقدر شتغل وحد ميقدرش، أنا ممكن أخذها بشكل تاني، إزاي أستفيد من الموقف ده في الوقت ده اللي إخواننا الفلسطينيين عايزين الناس تقف جنبهم، إحنا مش شكل بعض، بلاش تلوم على حد اعتذر أو مش قادر».
وعن موقفها من هجوم بيومي فؤاد على محمد سلام، علقت قائلة: «ولا بيومي فؤاد أخطأ، ولا محمد سلام أخطأ، كل واحد فيهم له وجهة نظر، كل واحد بيعبر بطريقته، لكن السوشيال ميديا سبب الفتنة».
وتابعت: «مش بعتب على اللي راحوا موسم الرياض، عجلة الإنتاج لا بد أن تستمر، في ناس كانت وجهة نظرها إن سلام كان يتبرع بأجره لأهالي غزة، في ناس تقول لأ هو مكنش ينفع غير اللي يعمل كده، منقدرش نلوم حد»، مشيرة إلى أن الفن جزء من الاقتصاد المصري.
وهاجم بيومي فؤاد، محمد سلام، بعد اعتذار الأخير عن عدم المشاركة المسرحية وظهر «فؤاد»، منتشر على مواقع التواصل الاجتماعي، بعد العرض المسرحي قائلًا: «من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدًا».
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
