"هنروح من ربنا فين".. رسالة نارية من السيسي بشأن أكاذيب غلق معبر رفح (فيديو)

قال الرئيس المصري عبد الفتاح السيسي، إن الدولة المصرية لم تغلق معبر رفح على الإطلاق من أجل منع دخول المساعدات إلى قطاع غزة.

وأضاف في حديثه خلال احتفالية "عيد الشرطة المصرية": "اتقال كلام كتير أن مصر هي السبب.. هقول كلمة صعبة، أنا هروح من ربنا فين؟ّ ولو أنا السبب في منع دخول لقمة عيش لغزة، أروح من ربنا فين؟".

وتابع: "معبر رفح مفتوح على مدار 24 ساعة في 7 أيام في 30 يوم، الإجراءات اللى بتم من الجانب الأخر إسرائيل علشان نقدر ندخل الحاجة هي السبب، وده شكل من أشكال الضغط اللي بيمارسه الجانب الإسرائيلي على القطاع".

وأضاف السيسي: "لا يمكن نقفل معبر رفح أمام عبور المساعدات لغزة، ولازم تكونوا متأكدين من كده، ومش لازم يطلع بيان هيئة الاستعلامات ولا الخارجية والداخلية ولا المخابرات العامة، إحنا مش بنعمل كده".