برلماني مُدافعًا عن "علي جمعة": الإخوان يحاولون اغتياله معنويًا
دافع محمود بدر عضو مجلس النواب المصري، عن الدكتور علي جمعة مفتي الديار المصرية السابق، بسبب الحملات الشرسة التي يتعرض لها من قبل جماعة الإخوان.
وكتب "بدر" في منشور له عبر منصة "إكس": "حملة الإخوانجية علي مولانا الدكتور علي جمعة مش هتأثر فيه أبدا، زمان حاولوا يغتالوه جسديا وربنا نجاه ومن يومها وبيحاولوا يغتالوه معنويا لكن الأهم إن كلام مولانا رغم كل التشويه اللي بيعملوه هو كلام الواقع واللي المصريين بينفذوه اصلا".
وتابع: "الاختلاط مثلا أمر واقع في اماكن الشغل والدراسة ولادنا وبناتنا بيدرسوا في كليات وبيتعاملوا مع بعض بكل ادب واحترام ومشفناش الخيال المريض اللي في دماغ الإخوانجية ولا اماكن الشغل ولا الدراسة في مصر اتحولت لبيوت دعارة مثلا زي ما بيحاولوا يصوروا".
وأضاف: "حتي كلامه عن احتفالات المصريين بالكريسماس وبرأس السنة فالشعب المصري عموما بيحتفل بأي مناسبة دينية كانت أو غير دينية أعياد ميلاد شغالين مولد سيدنا الحسين والسيدة زينب والعدرا ومار جرجس برضه شغالين".
واختتم: "أفراح وأعياد ميلاد وحفلات تخرج عادي برضه مبنقولش لأ، احنا بنحب نفرح وبنحب البهجة فربنا يديم علينا الفرحة ويديم علينا الوسطية ويكرهنا في التطرف والمتطرفين والإخوانجية وديولهم يارب".
