خميس شعبان عبد الرحيم: ملناش شغلانة غير الفن.. أبويا كان بيساعدنا حتى وهو ميت
أكد الفنان خميس شعبان عبد الرحيم، أن لا يمتلك أي مصدر للدخل غير الفن، بجانب الحديث عن ارتدائه ساعات وسلاسل وخواتم ذهبية.
وقال خميس شعبان عبد الرحيم، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": ملناش شغل تاني غير الفن، ملناش غير ربنا، وكلنا بنغني وربنا مبيسبش حد، وكل ما الدنيا تيجي تقف أبويا كان بيساعدنا، وبيساعدنا دلوقتي وهو ميت بسبب محبة الناس، وكل ما الفلوس تقرب تخلص ويبقى معايا 2000 جنيه مثلًا، بقول يا رب متسبنيش أروح أخد من حد، وألاقي حد بيتصل بيا عايزني في فرح أو أعمل له أغنية وبتمشي، وشهر 1 و2 بتقرص على الواحد.
وتابع: اللي لابسه نصه ذهب، والنص الثاني ذهب هندي، وحد قالي مش خايف حد يسرقك؟ قولتله إذا كان أنا سارقهم هيجي حد يسرقهم؟ وكلنا بنسرق في بعض المهم محدش غريب يجي يسرقنا، وكل مصر قرايب مع بعض وإحنا ماشين وعايشين وراضين باللي ربنا مديهولنا، فالدنيا بتخبط فينا ونخبط فيها لغاية ما نطلع منها على خير.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
