الفنانة حورية فرغلي بسؤالها بوجود العين والسحر: اتعملي ولسه معمول ولغاية دلوقتي
تصدر اسم الفنانة حورية فرغلي مواقع التواصل الاجتماعي خلال الساعات الماضية، بعدما كشفت تفاصيل حادث سقوط الحصان عليها الذي تسبب في كسر أنفها، الحصان وقع فوقي، وعملت 28 عملية وقعدت كذا سنة لا بشم ولا بستطعم ولا طعم الأكل والبرفانات كنت بشتريها مش عارفة ريحتها ايه.
وأضافت فرغلي في برنامج العرافة مع الإعلامية بسمة وهبة: أنا فضلت كده 4 سنين تقريبًا، ودلوقتي بقيت أستطعم وأشم وأخيرًا بنام وأنا مش باخد نفسي من مناخيري مش من فمي ومكنتش بعرف أنام.
وبسؤالها هل مؤمنة بوجود العين والسحر: اه اتعملي سحر ولسه معمول ولغاية دلوقتي، موضحة: ومتقاليش اسم اللي عمله بس اتقالي الأوصاف وعشان أفكه لأنه سفلي واللي عمله حد أعرفه زارني مرتين أو 3 وهو حد في شغلي في ورقة كده مكتوبة حورية بنت نرجس تصاب بالمرض وتصبح طريحة الفراش ويقف زواجها ورزقها.
وتابعت حورية فرغلي: وهي واحدة في الوسط وعرفت هي مين ومش بتعامل معاها دلوقتي ومعرفش حاجة عنها ولو شوفتها هسلم عليها عادي، وأنا حاولت أفكه بس قالولي ده سفلي وعشان تفكيه لازم تستعيني بالجن عشان نفكهولك وده كده حرام فرفضت.
وأضافت: أنا بالنسبة لي لو ربنا مكنش عايز العمل ده يتعملي مكنش هيحصل ومفيش حاجة بتحصل الا أما هو يوافق وربنا هو اللي عايز ده وهقعد ليه ومش ليه وأنا راضية وأكيد في حكمة هعرفها واتعلمها.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
