محمد رمضان بعد تبادل الصفع مع أحد معجبيه: "الاعتراف بالخطأ من شيم الكبار"
توجه الفنان محمد رمضان بالاعتذار للطفل صاحب واقعة تبادل الصفعات معه خلال تجوله في إحدى القرى السياحية، وهو مقطع الفيديو الذي أثار الجدل خلال اليومين الماضيين، وتسبب في ردود فعل واسعة النطاق.
وقال رمضان في فيديو له على صفحته الرسمية على إنستجرام: "الفيديو ده أنا عامله عشان اعترف بخطأي واعتذر لأهل الولد الصغير ان ايدي اتمدت عليه وانا عارف إنه عيل صغير والولد لما غلط في الأول قلعته الكاب واكتشفت إنه عيل صغير قولتله اسمك ايه يا حبيبي..قالي اسمي كذا واعترف ولما رجع غلط تاني لفيت وقولتله هات التليفون ومتمالكتش نفسي وضربته قلم بسيط طيرله الكاب اللي على راسه والنضارة اللي كان لابسه.
وأضاف رمضان: "ولو قولت أن الناموسة اللي جت على خدي دي قلم فأنا أستاهل من الناموسة دي خمسة عشان أنا مديت إيدي على عيل صغير ودي لا رجولة ولا بطولة لكن إنا متمالكتش نفسي ودي الغلطة اللي أنا طالع اعتذر عنها".
وتابع: "ولما خدت تليفونه ومسحت الفيديو حد قالي اكسرله تليفونه عشان ميعملش كدة تاني لكن قولت ذنبهم ايه ابوه وامه يجيبوله تلليفون تاني خصوصا إنه من قرية تانية اسمها اللوتس وجاي يتفسح في مراسي والأمن طلب يعمله محضر عشان دخل مراسي قولتلهم لا يروح بعد اذنكم وشكرا لجمهوري الأصيل الغالي وربنا ما يحرمني منكم على وقوفكم معايا".
شاهد الفيديو من هنــــــــــــــــــا
