محمد رمضان: القلم اللي جه على وشي كان زي الناموسة وأستاهل منه خمسة

نشر الفنان محمد رمضان مقطع فيديو على صفحته الشخصية على موقع إنستجرام، وجه خلاله رسالة اعتذار إلى الطفل صاحبة واقعة تبادل الصفع في إحدى القرى السياحية حيث كان يتجول رمضان برفقة عدد كبير من معجبيه.

وقال رمضان خلال مقطع فيديو بثه عبر صفحته: "لو اعتبرت إن الناموسة اللي جت على وشي دي قلم فأنا أستاهل خمسة منها لأني مديت إيدي على عيل صغير".

وأضاف رمضان: "الفيديو ده أنا عامله عشان اعترف بخطأي واعتذر لأهل الولد الصغير ان ايدي اتمدت عليه وانا عارف إنه عيل صغير والولد لما غلط في الأول قلعته الكاب واكتشفت إنه عيل صغير قولتله اسمك ايه يا حبيبي..قالي اسمي كذا واعترف ولما رجع غلط تاني لفيت وقولتله هات التليفون ومتمالكتش نفسي وضربته قلم بسيط طيرله الكاب اللي على راسه والنضارة اللي كان لابسه.

وتابع: "ولما خدت تليفونه ومسحت الفيديو حد قالي اكسرله تليفونه عشان ميعملش كدة تاني لكن قولت ذنبهم ايه ابوه وامه يجيبوله تلليفون تاني خصوصا إنه من قرية تانية اسمها اللوتس وجاي يتفسح في مراسي والأمن طلب يعمله محضر عشان دخل مراسي قولتلهم لا يروح بعد اذنكم وشكرا لجمهوري الأصيل الغالي وربنا ما يحرمني منكم على وقوفكم معايا".

تجدر الإشارة إلى أن مقطع فيديو نشر عبر عدة صفحات على وسائل التواصل الاجتماعي تكشف واقعة شجار وتبادل للصفع بين الفنان محمد رمضان وأحد معجبيه، خلال التقاط المعجب صور سيلفي مع الفنان محمد رمضان.
 

شاهد الفيديو من هنـــــــــــــــا