11 نصيحة ذهبية لـ توفير استهلاك الكهرباء
مع ارتفاع تكاليف فاتورة الكهرباء في أشهر الصيف، بدأ رواد مواقع السوشيال ميديا في تداول مجموعة من النصائح الذهبية التي أثبتت نجاحها في توفير استهلاك الكهرباء، وتهدف تلك النصائح لتقليل العبء عن الأسر المصرية، عبر المساعدة في تقليل استهلاكهم للطاقة وتحقيق توفير في فاتورة الكهرباء.
11 نصيحة ذهبية لـ توفير استهلاك الكهرباء
ونقدم لكم 11 نصيحة لاقت رواجًا على مواقع التواصل الاجتماعي:
- قبل تشغيل التكييف شغل مروحة عادية في نفس المكان لمدة 10 دقايق.. ولما تشغلها خلي درجة الحرارة 24 بالكتير.- - بلاش تسخن الأكل في فرن الكهرباء واستبدله بالميكروويف أوفر.
- - تشغيل الغسالة وهي ممتلئة هدوم على آخرها زي تشغيلها وهي فيها قطعة واحدة والاتنين بيستهلكوا نفس كمية الكهرباء، شغل الغسالة مرة واحدة لما تتملى على آخرها.
- - بسبب الفراغات داخل فريزر الثلاجة بتستهلك كهرباء أكثر.. اعمل إعادة توزيع للحاجات في الفريزر بحيث مايكونش فيه فراغات ولو لسة فيه فراغات املاها بأكياس ثلج
- - شيل الثلج باستمرار من الفريزر وأول بأول هتوفر في الكهرباء.
- - الشبكة التي خلف الثلاجة لازم تتنضف مرة في الشهر.. عدم تنظيفها يقلل كفاءة تبريد الثلاجة الأساسي ويزيد استهلاك الكهرباء.
- - وضع الأكل وهو سخن أو دافي في الثلاجة بيستهلك كهرباء أكثر.. انتظر لما يبرد الأول.
- - الشاحن والغسالة والميكروويف والراوتر والريسيفر وأي جهاز كهربائي وهما في وضع الاستعداد بيستهلكوا كهرباء =%20 من اللي بيستهلكوها وهما في وضع التشغيل الفعلي لو عارف إنك هتنام أو هتخرج أو مش هتستخدمهم افصلهم.
- - لما تشتري جهاز كهربائي يفضل تختار اللي الملصق بتاعه مكتوب عليه كلمة "إنفرتر" يعني استهلاك أقل للطاقة.
- - بدل كل اللمبات اللي عندك بـ لمبات LED موفرة للطاقة غير إنها بتوفر من 40 لـ 60% من استهلاك اللمبات العادية لكن عُمر اللمبات الليد بيوصل لـ 50 ألف ساعة استخدام.. يعني لو استخدمتها 12 ساعة في اليوم هتقعد معاك 11 سنة.
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
