بسمة وهبة تشارك مقطع فيديو أثار جدلا كبيرا.. ما القصة؟
بسمة وهبة.. نشرت الإعلامية بسمة وهبة تعليقا عبر حسابها على موقع التواصل الاجتماعي “إنستجرام”، أثناء تواجدها فى المستشفى.
وقالت بسمة وهبة: “لسه الأمل موجود يا رب على إيد أطباء وولاد مصر تجبرني والشفاء من عندك ثم تسخير أولاد الحلال عائلة عامر أبًا عن جد دكتور حسام عامر ودكتور أحمد عامر، إن شاء لله بكره يبان داء المعدة والدواء، عشمي كبير”.
من ناحية أخرى، شاركت الإعلامية بسمة وهبة مقطع فيديو لها نشرته عبر حسابها الرسمي على موقع "إنستجرام" أثار جدلا كبيرا.
وقالت بسمة: الرسالة دي لشركة الشحن مش هسيبكم، لأنكم تسببتم في سوء الحالة الصحية لابني".
وتابعت: "أنا جيت من السعودية يوم 26، وابني كان تعبان وخد كذا حقنة في العمود الفقري ما ريحتهوش، وبعتنا لدكتور في ألمانيا قال لازم عملية".
وواصلت: "الدكتور طلب مننا أشعة MRI، وبالفعل تمت وقولت له في مصر أسرع من السعودية لأن المسافة بين السعودية وألمانيا أطول وقولتله هبعتها ليك في مكتب في المطار، وقالوا هتوصل في 48 ساعة".
وأضافت: "قعدت عندهم أيام 26 و27 و28 و29 صحيوا من النوم وبعتوا الـCD للندن، واكتشفوا أنها جات غلط وبعتوا لألمانيا، والمفروض تروح فرانكفورت بعتوها لبلد تانية في ألمانيا وابني الوجع بيزيد عليه والمفروض يعمل العملية".
وأوضحت: "ابني عريس وفرحه بعد أسبوعين، وربنا ميجبش لينا إلا الخير لكن أنتم تسببتم في شر، وإحنا أجلنا الفرح علشان العملية تتعمل بسرعة ويتخلص من آلامه، ولو كنت بعت حد وركبته طيارة كان تقريبًا هيكون نفس السعر لأنكم أسعاركم غالية، ومش هسيبكم وهقاضيكم مش في مصر بس وبره مصر كمان".
لمشاهدة الفيديو هنا
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
