"خناقة كبيرة".. التفاصيل الكاملة للصدام بين شيرين عبدالوهاب وبهاء الدين محمد

نشبت أزمة كبرى بين المطربة المصرية شيرين عبدالوهاب، والشاعر ومؤلف الأغاني بهاء الدين محمد.

البداية

نشبت الأزمة عندما سألت متابعة شيرين عبد الوهاب على صفحتها على موقع التواصل الاجتماعي الإنستجرام عن الأغنية التي ندمت على غنائها.

وردت شيرين على المتابعة وتؤكد ندمها على أغنية " ماتجرحنيش" والتي قدمتها من 19 عاما وتحديدا في 2003.

رد ناري

شن الشاعر بهاء الدين محمد، هجومًا حادًا على النجمة شيرين عبد الوهاب، وذلك بعدما أعلنت ندمها على غناء أغنية "ماتجرحنيش".

وقال الشاعر الكبير بهاء الدين محمد: "مش متعود أرد على أى حد.. ولكن لما حد يتجاوز حدوده لازم يقف مكانه ويعرف أنه مهما اتعود يغلط لازم يجى عند بعض الأسماء ويحاسب ويخلى باله وخاصة لما حد في كل كارثة يدافع عنها.. وحاتكلم باختصار جدًا".

وأضاف: "المشهد الأول.. أول يوم دخلت شيرين عبد الوهاب مكتبى كانت مع نصر محروس اللى هو صاحب الفضل فى تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء"، متابعًا: "المشهد الثانى.. رشحتها تغنى كتير بنعشق، ولولا موافقة نصر احترامًا للعشرة اللى بنا مكانتش حتغنيها لأنها كانت موقوفة من النقابة".

وأوضح: "المشهد الثالث.. لما فوجئت بمدير أعمالها الرجل اللى أنا بحبه وبحترمه لقيته بيكلمنى نيابة عنها ويقولى سمعنى الجديد وده طبعًا خطأ لأن اللى بيغنى مهما كان اسمه مش المفروض يغلط غلطه زى دى.. لأن المشهد ده مش لايق على المشهد الأول".

واختتم، "المشهد الرابع والأخير.. أغنية "ماتجرحنيش" أنا لحد الآن مش عاجبنى غُنا شيرين مع احترامى الكامل لصوتها وأكيد لولا الأستاذ نصر ماكانش حيتم اللقاء.. وماتجرحنيش من أهم أعمالى ومن حقى أدافع عنها نتاج تهور اللى غنتها.. وكمان لأول مره ألاقى حد بيحارب نَفسه وبيغلط فى مبدعين اشتركوا فى صناعته.. وعشان أكتب الكلام ده يبقى شيرين غلطانة كالعادة بس كان لازم أقولها متعمليش كده تانى وانتى بتكبرى بس مش حتعدى حدود حجم بعض الأسماء ولا أعمالهم".