الفنان المصري حازم إيهاب يكشف تفاصيل وفاة ابنه الرضيع بعد 13 يوما من ولادته

تحدث الفنان المصري حازم إيهاب تفاصيل وفاة ابنه الرضيع بعد 13 يوما من ولادته، بسبب معاناته من مشاكل في القلب، وخضوعه لجراحة فور ولادته.

حيث قال الفنان حازم إيهاب، في لقاء مع برنامج "رمادي" عبر "فيسبوك": لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى.

وتابع: وطبعا من سذاجتي عشان أول مرة أكون في موقف زي ده روحت مكلم حد حجز لي قاعة عزاء وبعدين اكتشفت أنه الأطفال مبيكونش ليهم عزاء أصلا".

وأضاف: وبرضو من سذاجتي باخد “يونس” وهو في الكفن ورايحين نصلي عليه، فإمام المسجد لقيته بيضحك وقالي (يا حبيبي إحنا بنصلي على المتوفي عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة)، وراح واخده مني وحاطه مع نعش حد كان بيتصلى عليه برضو وروحنا مصليين عليه".