في عيد زواجهما الـ16.. الفنان المصري عمرو وهبة يوجه رسالة إلى زوجته

وجه الفنان المصري عمرو وهبة رسالة إلى زوجته سلمى أشرف.

جاء ذلك في عيد زواجهما الـ16، واصفًا إياها بأنها "رجولة" حيث كتب عمرو وهبة، عبر حسابه على موقع "فيسبوك""النهارده كده ما شاء الله كملنا 16 سنة مع بعض، أنا عارف إن كلمة رجولة بتبقى غريبة لما تتقال على بنت، بس الصراحة هي الكلمة الوحيدة المعبرة عن اللى بتعمله معايا طول عمرها".

وأضاف: "أنا لما كان نفسى أسيب شغلى عشان أحقق حلمى وأمثل وقولتلها مش هينفع أعمل كده عشان مصاريف البيت، قالتلى لو هتبقى مبسوط سيبه وحاول في اللى بتحبه وأنا متأكدة إنك موهوب وهتنجح، ولو اتزنقنا أنا بشتغل وهصرف لحد ما الدنيا تمشي، صحيح من ساعتها هي اللى بتصرف فعلًا، بس كان موقف نبيل الصراحة هي أكيد ندمانة عليه دلوقتي".

يذكر أن آخر أعمال عمرو وهبة مسلسل "فى بيتنا روبوت"، بطولة: ليلى زاهر، شيماء سيف وهشام جمال، كما ظهر في فيلم "واحد تانى" أمام الفنان أحمد حلمى، وفي فيلم "تسليم أهالى" أمام دنيا سمير غانم وهشام ماجد.