ياسمين عز: كفاية تحاكموا الناس على مشاعرهم (فيديثو)

أكدت الإعلامية المصرية ياسمين عز، بأن الفنانة السورية أصالة نصري تتعرض لموجة من الهجوم غير المبرر من البعض بعد نشرها صورة وهي تقبل يد زوجها.

كما أضافت:  البعض قال لها عصر سي السيد انتهى، وبكره تندم يا جميل، وهيعمل فيكي زي اللي قبله عمله، وكلام صعب وتعليقات مينفعش أقولها على الهواء".

جاء ذلك  خلال تقديم الإعلامية ياسمين عز، برنامج "كلام الناس" عبر فضائية "mbc مصر".

وأشارت في حديثها: فيه واحدة كتبت تعليق للفنانة أصالة نصري، تقول لها بتبوسي إيده على إيه، ده مفيش راجل يستاهل".

وأكدت ياسمين عز: "على فكرة فيه رجالة كتير تستاهل وحنينة، وكفاية تحاكموا الناس على مشاعرهم وتوجهاتهم.. إيه اللي يضايقك أن واحدة تحب زوجها وتعبر عن حبها له بهذه الطريقة؟، هل عيب أن الست تبوس إيد زوجها؟".

حيث قالت: ليه أما يحدث العكس أن الراجل هو الذي يبوس يد زوجته نقول أنها طريقة شيك، لكن أما الست تعملها تبقى مش ملزمة وكارثة".

كما قالت: الحركة دي فيها كل معاني التقدير والحنية اللي في الدنيا، لأن الإيد اللي بتبوسيها هي الإيد اللي بتسندك أما تقعي، والإيد اللي بطبطب عليكي في الحلوة والمرة، مش عيب ولا حرام".