بعد إلغاء حفله.. الفنانة المصرية فريدة سيف النصر تدافع عن محمد رمضان
دافعت الممثلة المصرية فريدة سيف النصر عن النجم محمد رمضان.
جاؤ ذللك بسبب إلغاء حفله، الذي كان من المقرر إقامته في أكتوبر الجاري.
حيث تعرض محمد رمضان للهجوم من بعض المتابعين بعد إلغاء حفله في الإسكندرية والذي جاء بعد الكثير من حملات المقاطعة، ما اضطر فريدة سيف للتعليق عبر حسابها على "فيسبوك"، قائلة: "هو في إيه.. محمد رمضان، كده أوفر أوي، اللي بنسمعه ده أغرب من الخيال".
وقالت: طول عمرنا بنعمل مسرح في ماريا عروسة البحر الأبيض، طول عمرنا عارفينها فاتحة أحضانها للفن، وهي منبعة أكرم ناس ذواقة لكل الألوان من مستوى السيد درويش لحد بدارة، وحمو بيكا وأكتر من كده هو وزمايله".
وأضافت فريدة سيف النصر: "اشمعنى بقى.. لا إله إلا الله، على فكرة اللي تخرب بيته اللي عامل الحفلة، وعارفينهم حقيقي باعوا التذاكر كلها، طيب الناس اللي بتحبه يولعوا يعني علشان العند والتصاريح، على فكره معجبيه كلهم شباب، وغالبية عظمى ملهمش في عند وحقد العواجيز ومحاولات الهدد، لكن لو سعادتك ارتحت يهمنا راحتك يا رب بردًا وسلامًا، يا ساتر يا رب".
كما هاجمت المسؤولين عن تصاريح الحفل قائلة: "المسؤول عن التصريح ناقص يدخل اللي مش على مزاجه بفيزا، واللي مش قادرين يفهموا الفنان لو له عمر بيستمر أكثر من أي مركز وكرسي زائل، هو إيه الغلب ده هو تار ولا إيه طيب نفهم علشان مندافعش فهمونا يا ريسنا الإسكندرية مش بتاعت أي مسؤول، دي بتاعتنا كلنا معظمنا أهالينا هناك عند العروسة وكرم الدنيا والجدعنة".
واستكملت حديثها قائلة: "الإسكندراني مبكرهش حد وبيحب كل الألوان ما بيكا أهو مثل تاني أهو.. يعني إيه تصاريح؟ محافظات مصر كلها للمصريين.. وكل ده وقت لتصريح حفلة معروفه للكل واشمعنى الأجانب هوا يتعمل كل حاجة وحفلات لغير مصريين على رأسنا، لكن بالنسبة لأبنها إيه بقى هو في إيه؟ الحرب والحقد مش للدرجة دي كتير كدة الإسكندرية أهلها بس اللي يقرروا، ولو قالوا يبقى تمام، لكن عند مع مسؤول مينفعش".
حيث هاجمت فريدة سيف النصر منتقديها الذين اتهموها بالدفاع عن محمد رمضان بعد انضمامها لمسلسله "العمدة"، وقالت: "واللي يكلمني ويقول لي بتطبل له أهو شغلك معاه.. إيه الأدب ده، أولًا رمضان مبيدخلش في حاجة في حاله ومحترم قسمًا بالله، وبرضه مسلسل موسى محمد سلامة اللي رشحني، ده ابني يعني اسألوه، ومسلسل العمدة اللي مرشحني محمد سامي وكنت عايزه اشتغل معاه بجد، وأنا بحبه هو ومي جدًا من القلب للقلب، ده لو بيقبضني وعامل لي بطولات مش هتضايق كده بس بجد حرام نهدى بقى".
