الموسيقار عمرو سليم يكشف كواليس آخر مكالمة جمعته بالفنان هشام سليم قبل وفاته (فيديو)

كشف الموسيقار المصري عمرو سليم كواليس آخر مكالمة جمعته بهشام سليم قبل وفاته بـ 3 أيام تقريبا.

و في لقاء ببرنامج "الستات" المذاع على شاشة قناة "النهار" قال: "قبل 3 أيام من وفاته كلمته وكان في المستشفى وخايف يخرج، أنا كنت وقتها بعمل بروفات، ومش قادر أروح له في المواعيد المناسبة، مواعيد نومه أنا مش عارفها".

وفي حديثه أضاف: قولتله أجيلك إمتى يا هشام؟، قالي أنا كويس أهو، إنت كلمني، وأنا هشوف أخباري إيه؟ ولما أبقى في الفورمة وكويس هقولك تجيلي، وخلي بالك من البروفات، عايزينك تكسر الدنيا".

كما تحدث بحزن كبير عن صديقه الراحل، مؤكدا أنه كان عملة نادرة وكان يتمتع بأخلاق لم تعد موجودة في هذا الزمن، قائلا: "راجل تتسند عليه اللي مخلي هشام من الناس المتميزة إن صفاته مبقاش منها كتير".

يذكر أن هشام سليم توفي  في 22 سبتمبر عن عمر ناهز 64 عاما، بعد صراع مع مرض السرطان.