بعد تصدرها السوشيال ميديا.. أبرز التصريحات المُثيرة للجدل للممثلة المصرية منى فاروق
تصدرت الممثلة المصرية منى فاروق مواقع التواصل الاجتماعي خلال الساعات الماضية.
وكانت منى فاروق هاجمت في وقت سابق منتقدي إطلالالتها الأخيرة خاصة من وصف فستانها بـ "قميص نوم"، ووجهت رسائل قوية عبر مجموعة من المنشورات.
وقالت فاروق، عبر خاصية "ستوري" على حسابها الرسمي بإنستجرام: "أنا بنت بتتكلموا في عرضي ليه؟ خافوا ربنا".
وأضافت: ما كل البنات بتلبس فساتين صيفي عادي، وأنا حرة ليه نازلين فيا جلد، ده ربنا بيسامح وبيغفر لعباده الذنوب".
وانتقدت الممثلة المصرية المتدخلين في حياتها وملابسها، قائلة: "انتوا مزعجين جدا بس أنا ولا فارق معايا كلامكم أنا بعامل ربنا مش بعامل البشر، بجد حسبي الله ونعم الوكيل في كل الناس اللي بتكتب عني بالكذب.. ربنا موجود وهيعوضني خير وأنا في حماية ربنا".
أيضا تعرضت الممثلة لانتقادات بالجملة بعد إعلان عودتها للوسط الفني بعد طول غياب من خلال فيلم يجمعها مع الفنان محمد السبكي بسبب صورتها التي نشرتها بالمايوه في أحضانه.
وردت فاروق قائلة: أي حد بينتقدني أو أي حد بيقول عني أي حاجة غير لائقة أنا هقاضيه، يالا بقا نعيش مع بعض شوية، إحنا في بلد بتحترم الناس، إحنا في مصر أم الدنيا لازم يكون فيه احترام، واللي يكتب أبواب جهنم مفتوحالك.. مين انت علشان تحكم عليا إني هدخل جهنم؟".
وأضافت: "خلاص هتجلدني يعني؟ حطيت نفسك مكان ربنا؟.. الناس بتقول كانت بتطلع تعيط ودلوقتي عايشة حياتها.. إنت مالك برضو.. حياتي أنا حرة فيها.. أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية.. شوفولكم شغلانة تانية وسيبو اللت والعجن ده للستات".
بينما كشفت منى فاروق، في "لايف" عبر حسابها على إنستجرام، حقيقة خضوعها لعمليات تجميل، مؤكدة أنها لم تفعلها من قبل وكله طبيعي، وقالت لمنتقديها: "ملكوش دعوة بحياتي خليكوا في حالكم انا مبخافش، واللي بيقولوا عني كلام وحش هتروحوا النار".
وقالت فاروق، في مجموعة فيديوهات متتالية شاركته مع الجمهور، إنها كانت تفكر في اعتزال السوشيال ميديا لكن وجود أشخاص تحبهم منعها من ذلك.
كما أثارت الفنانة المصرية منى فاروق الجدل من جديد بين جمهورها على مواقع التواصل الاجتماعي عقب نشر مقطع فيديو من أمام الكعبة المشرفة.
وظهرت منى فاروق في الفيديو، الذي نشرته عبر حسابها بموقع "إنستجرام"، وهي تتضرع وتدعو في خشوع وبكاء أمام الكعبة المشرفة، أثناء أداء مناسك العمرة، كما ظهرت وهي تمسح على الحجر الأسود، وصاحبت الفيديو أغنية المطرب الإماراتي حسين الجسمي "لما بقينا في الحرم".
وفيما انتقد بعض المتابعين مقطع الفيديو، واعتبر أن ذلك البكاء والتضرع يتناقض مع صور وأدوار الفنانة المصرية الجريئة، فإن زميلتها بدرية طلبة، انبرت للدفاع عن زميلتها، وردت على متابع قائلة: "ممكن تقول لها ربنا يتقبل لكن اللي زيك الحقد عامي عينه".
كما ردت على متابع آخر: "ربنا سترك مفيش حد معصوم، بلاش تعمل فيها نبي وولي من أولياء الله الصالحين".
