ياسمين عز تشن هجومًا عنيفًا على الفنانة الشابة مايان السيد بعد تصريحاتها الأخيرة (القصة الكاملة)
تصدرت الإعلامية المصرية ياسمين عز مواقع التواصل الاجتماعي خلال الساعات الماضية.
جاء ذلك بعدمنا شنت الإعلامية ياسمين عز هجومًا عنيفًا على الفنانة الشابة مايان السيد بعد تصريحاتها الأخيرة التي قالتها أثناء المؤتمر الصحفي لفيلم "هاشتاج جوزوني".
وردت مايان السيد على سؤال أحد الصحفيين بالمؤتمر الصحفي عن رأيها في تصريحات ياسمين عز ثائلة:" مش هتكلم عن ياسمين عز مش هساعدها تتشهر".
لترد الإعلامية ياسمين عز على تصريحات مايان السيد بهجوم عنيف منها، وذلك من خلال حلقاتها ببرنامج "كلام الناس"، والذى يعرض عبر قناة MBC قائلة:" في مثل أنا بعمل بيه، وهو من دق الباب لقي الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب".
وأضافت: “أنا هختار الرد بالأدب، لأني مبحبش قلة الأدب مع إن مفيش أسهل من قلة الأدب، ولأني اللي بقوله وبطبقه على غيري لازم أطبقه على نفسي أولًا، لما تكوني لسه مبتدأة في بداية حياتك المهنية، ولسه بيكتبوا اسمك بالقلم الرصاص، حاولي متخوضيش معارك مجانية”
وتابعت ياسمين قائلة:" متخلقيش لنفسك أعداء دون داعي وببلاش، مش ذنبي إن الصحفي ملقاش عندك تاريخ أو حاجة مهمة يسألك عنها فسألك عني، بدل ما تكلمي عني، كنت طلبتي بكل احترام وتهذيب إن الناس تسألك عنك إنتي وعن شغلك إنتي".
واختتمت قائلة: "إنتي بنت ظريفة، حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض، احمدي ربنا إنه وقعك فيا المرة دي، أنا نادرًا لما برد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين".
