ياسمين عز توجه رسالة جديدة للزوجات للحفاظ على استقرار علاقاتهن مع شركاء حياتهن (فيديو)

وجهت الإعلامية المصرية ياسمين عز رسالة جديدة للزوجات للحفاظ على استقرار علاقاتهن مع شركاء حياتهن.

حيث قالت ياسمين عز في برنامجها "كلام الناس"،  عبر فضائية "MBC مصر"،"هناك نساء كثيرات تنسى أن الزواج هو عبارة عن ميثاق غليظ، وكلمة (طلقني) لا يجب أن تقال على المشاكل التافهة".

كما دعت ياسمين عز الزوجة إلى أن تفهم زوجها جيدا وتمتص غضبه وأن يكون صوتها منخفضا، متابعة: "ماتبعيش ودانك لحد وماتسمحيش لواحدة فشلت في حياتها الزوجية تعمل لك غسيل مخ".

وأضافت: "الست مش بتنور بعد الطلاق، الراجل هو اللي بينور ويطفي لكن الزرار عندك".

وتابعت ياسمين عز: "صاحبتك اللي بتقولك اشتمي جوزك واخلعيه وراسك براسه مش بتيجي بعد كده تقف معاكي ومع عيالك لما يحتاجوا.. ومش هتعبرك وهتلف على واحدة غير سعيدة في حياتها".

واستكملت: "الست بتعتم بعد الطلاق ومش بتنور ولا حاجة، والنور الحقيقي لما تعيشي حياة طبيبعة مع جوزك، مفيش فيلر ولا بوتوكس هيخليكي تنوري لأن الراجل هو اللي بينور ويطفي اسألي جوزك ايه اللي مضايقه وإمتى تبقي صاحبته وحبيبته".

ونصحت عز الزوجات بعدم انتقاد أزواجهن أمام الآخرين قائلة: "متنتقديش جوزك قدام أي حد ومتقوليش مميزاته، وخلي جوزك قدام الناس مفيهوش عيوب وكامل".

وختمت كلامها قائلة: "الراجل مفيهوش عيوب واحنا اللي بنقفله على الواحدة. إحنا مش في حرب ولو احني في حرب اخسريها عشان تكسبي جوزك".