بعد عودتها لحسام حبيب.. سمية الخشاب تُهاجم شيرين عبدالوهاب بعبارات قاسية

وجهت الفنانة المصرية سمية الخشاب رسالة قاسية إلى شيرين عبدالوهاب، بعد عودتها إلى زوجها السابق حسام حبيب.

وقالت في تغريدات عبر "تويتر": "بعد كده يا حبايبي منتعاطفش مع حد الا لما نتاكد إنه هو نفسه متعاطف مع نفسه عشان منحرقش كتير علي الفاضي".

وأضافت: "أي علاقه تمنها كرامه الانسان تغور فستين داهيه، العالم فيه ٦ مليار والله"، وذلك في إشارة إلى شيرين عبدالوهاب، وعودتها لحسام حبيب.

وكانت الفنانة المصرية شيرين عبدالوهاب أعلنت عقد قرانها على مواطنها الفنان حسام حبيب، وذلك في أول حديثٍ لها بعد خروجها من مستشفى لعلاج الإدمان، حيث كشفت شيرين عبدالوهاب في مداخلة هاتفية مع الإعلامي عمرو دياب في برنامج "الحكاية" على قناة "MBC مصر2" عن تفاصيل أزمتها الأخيرة مع شقيقها محمد عبدالوهاب وفترة دخولها المستشفى، وقالت شيرين: "أنا الحقيقية لازم أبقى لطيفة. أنا زي البومب وحلوة خالص، وأنا سعيدة بيكوا، أنا كويسة لسّه بخضع لعلاجي النفسي، اللي بخضع له من ساعة ما خلّفت مريم وهنا".

كما أضافت: "أنا كويسة والحمد لله وباين على صوتي بقى. البركة فيكوا، مش عارفة أقول إيه. لما صحيت تاني يوم في المستشفى قلت لنفسي أنا قاعدة في مكان أمين وكل الناس اللي فيه خايفة عليّا وحاولت أستفيد من اللحظات الحلوة دي، الناس كانوا مدلعيني وبقيت دلوقتي أحسن بكتير وعسى أن تكرهوا شيئًا"، وتوجهت شيرين بالشكر إلى أخيها محمد، معلنة تنازلها عن القضايا التي أقامتها ضده، وتابعت: "أشكر أخي محمد اللي عرفني بالمستشفى، وهتنازل عن أي قضية عملتها ضده، أنا متسامحة وبخف أكتر لما بسامح كل اللي حواليا".

وفجرت النجمة المصرية مفاجأة بالإعلان عن عقد قرانها على حسام حبيب، مضيفة: "كتبنا الكتاب الساعة 9 بليل، بحضور أقرب الناس ليّا إخواتنا، أنا بعتذر لحسام عن كلام صدر مني"، وأوضحت: "أنا شيرين اللي قلبها متسامح وهيفضل قلبي متسامح، كنا ناويين عقد القران يوم السبت، لكنه أصر على عقد القران يوم الخميس".

ومضت قائلة: "أنا ممتنة جدًا للناس. عايزة أقولهم إنتوا تعبتوا فيّا وتعبتوا علشاني، وأنا عمري ما هخذلكم أبدًا. وبشكر كل الناس، وبشكر اللي قال كلمة حلوة عني واللي قال كلمة وحشة عني، شكرًا لحبكم وشكرًا حتى لو افتكرتوني".