رحاب الجمل: لما أقول لجوزي يا أستاذ السكرتيرة هي اللي تقوله يا بيبي؟.. ما رد ياسمين عز ؟ (فيديو)
تصدرت الفنانة المصرية رحاب الجمل مواقع التواصل الاجتماعي خلال الساعات الماضية، بعدما حرصت على توجيه سؤال لمواطنتها الإعلامية ياسمين عز، بشأن النصائح التي توجهها للسيدات خلال برنامجها "كلام الناس" على فضائية إم بي سي مصر".
وحلت رحاب الجمل ضيفة على البرنامج، في حلقة اليوم الأحد، وخاطبت ياسيمن عز قائلة: "لما أنا أقول لجوزي يا أستاذ في البيت، يروح الشغل السكرتيرة تقوله يا بيبي؟"، لترد الإعلامية المصرية: "لا السكرتيرة تقوله يا بيه".
وأضافت الفنانة المصرية: "لما أقول لجوزي سي الأستاذ بيبي تشرب إيه؟.. ده ممكن يطفش ويهرب"، لتبادرها ياسيمن عز: "ده هيدوب فيكي دوب".
وكشفت رحاب الجمل أن شخصيتها في المنزل تختلف عن الأدوار التي تقدمها، مضيفة: "أنا عندي شخصية بره البيت، لكن في البيت يوجد تفاهم، وكتير بيفكروا إني صارمة وشخصيتي قوية، لكن بالعكس أنا في البيت مهزقة وهبلة أوي وتافهة وبلعب وأهزر، ومش بعدي حاجة إلا ولازم أتريق".
وأشارت رحاب الجمل إلى أن علاقتها طيبة بوالدة زوجها، موضحة: "أنا بحب حماتي جدا، وانتي بتختاري الزوج لو مالوش خير في أمه وأبوه اوعي تفرحي، دي مش شطارة لأنك مش هتكوني أغلى عنده منهم.
وكانت الإعلامية ياسمين عز قد أثارت ضجة واسعة، بعد توجيه نصيحة للزوجات قالت فيها: "ليه بتنادي على جوزك حاف؟، قولي لجوزك يا أستاذ، بلاش لو اسمه محمد تنادي وتقولي محما وتاكلي آخر حرف من اسمه، يعني ينفع لو اسمك سماح يقولك يا سما، هتعملي مشكلة وتقولي إنه بيخونك مع واحدة اسمها سما، قولي له أستاذ للتفخيم ومحمد للتنعيم الشتوي".
وتابعت: لو جوزك مهندس لازم تحسسيه بالدفا والحنان، لأن حياته كلها مربعات ودواير ومستطيلات، ومحتاج يرتاح، قولي له الباشمهندس، وفخمي فيه قدام صحابك.. سيبي لجوزك أكتر من رف، ورتبي دولابه، واهتموا بملاسبهم وسيبولهم رف في الدولاب عشان تاخدي حسنات، الرجالة حاسة بقهر بسبب موضوع الرف ده".
