الفنانة المصرية منى فاروق عن حقيقة وفاة والدها متأثرا بأزماتها: أنا مسبتهوش وكانت روحي فيه

أزالت  الفنانة المصرية منى فاروق الستار حول حقيقة وفاة والدها متأثرا بأزمة مقاطع الفيديو الخاصة بها، والتي أثارت الجدل منذ عدة أعوام.

حيث قالت الفنانة المصرية، منى فاروق عبر خاصية "ستوري" عبر حسابها الرسمي على موقع " إنستجرام": الناس طلعت إن أبويا مات غضبان عليا، وده محصلش أبويا مات راضي عني وبيحبني.

وأضافت الفنانة المصرية منى فاروق أن والدها لم يعترض على دخولها مجال الفن ولم توجد مشاكل بينهما، موضحة: "أنا مسبتهوش، وكانت روحي فيه، وهو اتوفى في 2016 قبل الأزمة بسنين، والأزمة كانت في 2019.

وتابعت: لما حصلي أزمة زي أي بني آدم في الدنيا ممكن يتعرض لأزمة، الناس كلها مسمتش عليا، واللي معاه سكينة بيدبحك، وأي حد بيدوس عليا لأن أنا معنديش ضهر، بس ربنا ضهري.

وأردفت: أنا كنت في ابتلاء كبير، واللي ربنا بيحبه بيبتليه، وقلت إن كان في جواز في الفترة دي، بس أنا اتعرضت لظلم كبير وجلد، وناس جرحت فيا وفي أهلي، والناس حكموا عليا بالإعدام وأنا على وش الدنيا، وحسبي الله ونعم الوكيل في كل إنسان ظلمني.