تصريحات أثارت الجدل عبر السوشيال ميديا.. ياسمين عز: لو أنتي قاعدة جنب جوزك متتنفسيش وهو بيتنفس
تصدر اسم الإعلامية المصرية ياسمين عز، محركات البحث خلال الساعات الماضية بعدما وجهت مجموعة من النصائح للسيدات.
حيث قالت ياسمين عز: لو أنتي قاعدة جنب جوزك متتنفسيش وهو بيتنفس، عيب تتنفسي وجوزك بيتنفس في نفس الوقت، ننظم الحركة مع بعض، مبقولش تكتمي نفسك وتموتي مكتومة لا بعد الشر.
وأضافت ياسمين عز خلال برنامجها كلام الناس، المذاع على قناة إم بي سي مصر، اليوم، أنه أقصد وهو متعصب وصوت نفسه عالي من العصبية، متنفخيش أنتي كمان، ده هيزود شحنة الكهرباء والعصبية، سيبيه يهدى لوحده، ونظمي نفسك.
وتابعت الإعلامية المصرية ياسمين عز: حاجة كمان لو قاعدة جنبه بتتسامروا مينفعش تمشي وتروحي الحمام، وهو بيتكلم، لو مستعجلة قوليله بلطف، حبيبي هروح أعمل حاجة وجاية.
