خطيب البلوجر سارة محمد يكشف تفاصيل مهمة حول الحادث الذي أثار جدلا واسعًا على مواقع التواصل
تصدر البلوجر سارة محمد مجددًا مواقع التواصل الاجتماعي خلال الساعات الماضية.
جاء ذلك عقب تعرضها لحادث مروع أدى إلى فقدان بصرها، وأثار جدلا واسعًا على مواقع التواصل الاجتماعي.
حيث كشف مصطفى خطيب البلوجر سارة محمد، تفاصيل هامة في مداخلة هاتفيه مع الإعلامية ريهام سعيد، قائلا: أنا بوجه كلامي دا لكل الناس ولسارة، أنا بحبها وسألت عليها من أول يوم الحادثة وكنت معاها وروحت معاها البيت، كنت بروحلها المستشفى وأسال عنها بس أهلها رافضين.
وتابع مصطفى قائلًا: أنا من وقت الحادثة في المباحث ومشغول، وأنا طلعت البيت أكتر من مرة بس أهلها رفضوا الزيارة وكل يوم بكلم والدها، وإحنا هنكمل الخطوبة عادي وهنجيب الدبل، بس مش وقته إننا نكتب كتاب، وأهم حاجة اطمن على سارة والفرح خلال 6 شهور.
واستطرد قائلا: أنا عمري ماهسيب سارة هي حب عمري أصلا، بس والدتها فاهمة عني فكرة غلط، واخدة عني فكرة مش كويسة لأنها رفضاني من البداية.
روى مصطفى أيضًا خلال المكالمة الهاتفية عن الحادثة، قائلا: كان معانا قطة في العربية وسارة كانت تعبانة، وإحنا فالطريق بتكلم معاها لقيتها بتصوت مرة واحدة بتقولي خلي بالك ـ في راجل واقف في بندقية في وشي مدانيش فرصة لأي حاجة وحصل اللي حصل.
كما قال والد البلوجر سارة، خلال مداخلة هاتفية مع الإعلامية ريهام سعيد: الولد دا قدمه نحس عليها من أول ما خطبها وفي حاجات كتير بتحصلها ومجاش غير مرة واحدة يطمن عليها وجيه عملنا مشاكل ومشي، واتصل بس مش كل يوم.
وتابع والد سارة: قال أبوه وأخوه جم يطمنوا على سارة ومدخلوش الشقة، وقالوا إحنا هنجيب دبل بس مش هنعمل كتب كتاب دلوقتي، معقبا: أهم حاجة نطمن على سارة.
