الفنان عمرو رمزي يستعرض كواليس برنامجه الشهير حيلهم بينهم (أسرار تنشر لأول مرة)
تصدر اسم البرنامج الشهير حيلهم بينهم، خلال الساعات الماضية، بعدما كشف الفنان عمرو رمزي كواليس برنامجه الشهير حيلهم بينهم، والذي عرض منذ سنوات واستضاف من خلاله عدد كبير من نجوم الفن،واوقعهم في المقالب.
وقال عمرو رمزي خلال استضافته في برنامج معكم التي تقدمه الإعلامية منى الشاذلي ويعرض عبر قناة سي بي سي أنه كان يريد العمل كممثل بشدة، لكن الفرصة المتاحة أمامه هي الإخراج، فاستمر فيه حتى يدخل للمجال الذي يحبه.
وتابع: وقتها كنت معروف وسط أصحابي إني عاوز أمثل، اللي هو الراجل ده بيخرج لحد ما يمثل، المخرج طارق فهمي كان بيعمل تجربةالبرنامج ده، وبيحاول يبيعه، فعملنا 3 حلقات وبعتوهم للجهة المنتجة كانت برا مصر، فوافقوا.
وأضاف: واخترعنا فكرة البني آدم اللي بيتجمع فيه الأنانية دي ويوجه الناس بدل المخرج ويتحكم في الأسئلة بدل الإعداد وينتج وحاجاتكتير، فيتعامل مع الضيف برخامة باعتباره مش ضيف.
وكشف عمرو أنه كان يضحك كثيرًا عندما يشاهد حلقة الفنان سامو زين، قائلا: أكثر حلقة بتضحكني هي حلقة سامو زين.. كنا بنعملحلقة لطيفة وهو نجم عاطفي فأنا دخلت له من ناحية عمليات التجميل وكده، فدخل في كريزة ضحك مرعبة.
وبسؤاله عن مدى استجابة النجوم للاستفزاز، وهل وصل الأمر للتجاوز اللفظي والجسدي في حقه، قال رمزي: محدش تجاوز لفظيًا من الضيوف معايا خالص، لأن كنت بوصل لمرحلة إني بعمل فيها عبيط.
واستطرد: شعبان عبد الرحيم من كتر ما استفزيته وقعدت اقوله مصطحات صعبة، فقالي ما تقولي كلام شعبولي كده افهمه.. قلت له دهآخر مستوى أقدر أنزله.. قالي ااه تنزله! وراح موطي على الأرض ولقيته بيطلع حاجة من الشراب كان هيضربني بيها وفتح عليا مطوة بش طلب مننا نشيلها في المونتاج.
ومن جانب أخر، كان الفنان عمرو رمزي قد كشف موخرًا موقفًا طريفًا جمعه بالزعيم عادل إمام حيث وقال عمرو رمزي عن الصورة التيجمعته بالزعيم ووضع فيها ساقا فوق الأخرى، والتي اشتهرت بشكل كبير، حيث أكد بأنهم قرروا أن يصورا مشهدا من برنامج «حيلهم بينهم».
وكتب عمرو رمزي عبر حسابه بموقع التواصل الاجتماعي فيسبوك: إيه حكاية الصورة دي في مسلسل فرقه ناجي عطالله للاستاذ عادلامام، واحنا في بيروت بنصور مشاهد الجبال اللي هربنا ليها بعد عمليه البنك كنا بنصور في بيت لبناني جميل قووي.
وأضاف: أخدنا استراحه عشان ناكل حاجه، بعد الغدا فجاه الأستاذ عادل قالي البرنامج بتاع حيلهم بينهم كان بيضحكني قوي انت كنتغلس قوي ياواد بس عملت ضحك بتاعك لوحدك.
واستكمل: والله فاكر الكلام دا بالحرف، قلتله، يا استاذ دا حته برنامج مش فيلم سينما قالي هي دي عبقريته وهيعيش كتير جدا، فأناشيطاني قاللي طيب ما نهزر شويه، قلت له يا استاذ طب ماتيجي نعمل حيلهم بينهم سوا.
وتابع: قالي انت عاوز تاخد لقطه وحركات يعني قلتله اه الصراحه وجابولنا الكراسي وقعدت حطيت رجل على رجل قدام عادل امام، وقالهميالا صورونا، اتمطعت وقلت 3. 2. 1، ورحت قايله ليه كل أعمالك فشلت، وتييييت.
