السيسي: كل حاجة تهون إلا بلدنا.. إحنا بناكل وبنشرب وكل حاجة ماشية حتى لو غالية
قال الرئيس المصري عبد الفتاح السيسي: "كل حاجة تهون إلا بلدنا.. إحنا بناكل وبنشرب وكل حاجة ماشية حتى لو غالية"، معقبا: "ربنا مدينا مثال حي لناس مش عارفين نوفر لها أكل وأساسيات".
وأضاف الرئيس السيسي، خلال كلمته باحتفالية عيد الشرطة الـ 72، أن حجم الناقلات التي كانت تدخل غزة 600 شاحنة يوميا، قائلا: “موصلناش في أعلى تقدير إلا من يومين تلاتة مش أكتر من 220 شاحنة”، متسائلا: "الناس دي عايشة ازاي؟".
وتابع: "اتقال كلام كتير إن مصر هي السبب، لكن أنا هروح من ربنا فين لو أنا السبب إني مدخلش لقمة عيش لأهل غزة".
كما قال الرئيس عبد الفتاح السيسي: “انا عارف ان الحياة والظروف صعبة والأسعار غالية، بس عايز أقولكم يمكن الله أراد أن نرى مشاهد قاسية جدا فى غزة، وكان هناك اكثر من 25 ألف شهيد من المدنيين، ثلثيهم من النساء والأطفال فى القطاع وتدمير كامل للقطاع كله، وأنا بستدعي بالكلام دا أد ايه بنواجه ظروف على حدودنا الغربية والشرقية والجنوبية.. واواعوا تفتكروا أن الأمور دي بتعدي وميكونش لها تأثير علينا”.
وأضاف الرئيس السيسي، خلال إحتفالية بالذكرى ال٧٢ لعيد الشرطة: “الفيلم التسجيلي الذى عرض منذ قليل عن أحداث 25 يناير تحدث عن التحديات التي واجهتها الدولة ومن ضمنها محاولة تقليب الرأى العام على الدولة”.
وتابع الرئيس السيسي: “المقصود به أن يكون الشعب فى مكان والحكومة فى مكان تاني وبالتالي تقليب الرأى العام أى يقوم بدور سلبي يحفز ويدفع ويسئ للأجهزة والدولة لدي الرأى العام حتي يقوم باللي قام به فى 2011”.
وقال الرئيس عبد الفتاح السيسي، "الدول مش بتمشي بالخواطر، الدول بتمشي بسياسات وقوانين وعمل، إذا الأزمة اللي احنا فيها حلولها بتعتمد علينا".
وأوضح السيسي، خلال كلمته باحتفالية عيد الشرطة الـ 72، أن مصر أصبح عدد سكانها الآن 106 مليون نسمة، ومطلوب توفير جميع الحاجات لها، معقبا: "بقول الكلام ده عشان أسجل احترامي للمصريين وتقديري لهم، وتقديري للمواطن الغلبان والبسيط في الظروف اللي احنا فيها قبل أي شخص تاني".
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
