الإعلامية ياسمين عز تنصح راغبات الطلاق: مش هتلاقي ظافر عابدين.. ده في المسلسلات بس
أشعلت الإعلامية المصرية ياسمين عز، جدلا على مواقع التواصل الاجتماعي، بعد تقديمها نصيحها للسيدات المطلقات، أو من تعقد النية للطلاق، منصفة فيها الرجال كعادتها، خلال حلقات برنامجها.
وقالت ياسمين عز خلال برنامج «كلام الناس»: «عزيزتي المرأة المطلقة، لما تطلقي من جوزك بإذن الله بعد الشر عليكي.. إوعي تفكري إنك هتلاقي نموذج ظافر عابدين أو كريم كراميل (اسم شخصية ظافر عابدين في مسلسل البحث عن علا2)، ده في المسلسلات بس، ياريت ننزل على أرض الواقع لأن الدراما والمسلسلات دي مش هتنفعك، حتى بيقولوا عليها من وحي خيال المؤلف، خيال يعني مش حقيقة».
وأضافت: «عارفة أيه الحقيقة اللي بجد، أنك هتكتشفي أن جوزك أو طلقيك أحلي من كريم كراميلا، بس أنتي متديش لنفسك فرصة تشوفيه كدا، مش كل الناس ملايكة أنا عارفه بس مش كلهم وحشين».
واستكملت عز: «الطلاق مش سهل، والحياة مش عرض أزياء هتختاري فيها على مزاج، تتجوزي شخص وتطلقي منه عشان مش عجبك وهتختاري واحد تاني، مفيش كده خالص، واللي عاشت التجربة دي تعرف الكلام دا أكتر مني».
وأردفت: «جوزك إللي مش عجبك دلوقتي هو ظافر عابدين بالنسبة لواحدة تانية، ف خليكي واخدة بالك من بيتك».
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1
