عبد المنعم سعيد يوجه رسالة للمواطن: اقرأ وتعلم وأضف لنفسك مهارة جديدة ولا تنتظر الدولة تفعل لك كل شيء

قال الكاتب والمفكر السياسي المصري عبد المنعم سعيد إن "القضية أنا يمكن كتبت عليها كتير، حكاية اسمها تشغيل التغيير، يعني إذا أنت عملت طريق يبقى هتعمل فيه إيه؟ هتعمل فيه أكشاك، هتعمل فيه طريق تاني يطلع على منجم ملح أو أي حاجة، يعني إزاي أنك أنت تعمل حاجات ثم تشغلها بطريقة تقدر تعمل فيها إضافة للكون، هي الحكاية دي بتيجي لما بيبقى كل واحد يعني متأهب فكريًا أنه هو يقدر يعمل حاجة".

وأضاف عبد المنعم سعيد خلال حواره مع الكاتب الصحفي محمد فتحي في بودكاست من أرض الكنانة على منصة مزيج التابعة لشبكة العربية: "يعني أصحاب فكرة السخط والسخط واللي موجودة عند الناس وحاجات زي كده، والإنسان العادي بالتعبان المرهق، لا ده مش مرهق، هو راجل محترم وعليه أنه هو يشتغل، وأنه يشتغل، أنه يقرأ، أنه يتعلم، يضيف لنفسه لغة أجنبية، يضيف لنفسه مهارة ما كانش عنده قبل كده".

واستطرد عبد المنعم سعيد: "فهي فكرة الوعي دوت باللي حاصل في العالم واللي حاصل عندنا واللي حاصل بره واللي حاصل في الإقليم، فيه ناس بتحول الكلام ده قوة عسكرية، يعني زي الاتحاد السوفيتي،  الاتحاد السوفيتي  انهار وهو بيوصل القمر، يعني أنه كانت قوة عسكرية مش منتجة، لا عمرها عملت تلاجة كويسة ولا عربية كويسة، ولا يعني كانوا بيستلفوا عشان يجيبوا القمح والحاجات اللي من هذا القبيل".

وقال عبد المنعم سعيد: "يعني نفس الحكاية كانت الصين بتاعت ماو، الناس بتموت ببوع، يعني في حوالي 30 مليون واحد ماتوا أيام ماو في الصين، فهنا اللي هي يعني الحكاية فيها جزء كده، يعني أن احنا لازم ده شغلنا احنا بقى شغل الإعلاميين والكلام زي كده، اللي بقولي أنها بعافية لأنه الكونتنت ما زال قايمة على فكرة الدولة الراعية".

واختتم عبد المنعم سعيد: "الدولة مش بترعى بس، الدولة تقود، الدولة تقود، إن الدولة تقود الناس إلى حياة أفضل، مش يعرف الحكاية التقليدية يعني بتاعت أنت تعلم الناس السمك ولا يأكلوا السمكة، كل الناس بتتكلم على أكل السمكة، أكل السمكة نجيب وبتاع وندعم، وبعدين يقولك دلوقتي أنا مش عايز دعم، ابتدوا الناس برضه تفوق يعني من الحكاية دي.