تعليق صادم من نهى العمروسي حول تورط ابنتها في قضية فيرمونت (فيديو)

قالت الفنانة المصرية نهى العمروسي، إنها أخطأت في تربية ابنتها نازلي مصطفى كريم، التي تورطت في "قضية فيرمونت".

وأكدت أن ابنتها استطاعت تجاوز أزمتها التي تصدرت الرأى العام بداية 2021، وقالت: "غلطت في تربية بنتى وغلطات كبيرة كمان ولكن لم أقصد ولجأت لربنا ساعتها".

وأكدت العمروسى، أنها ظلمت في دخولها السجن "عملت تحليل وأثبت أنني لا أتعاطى المخدرات ولا السجائر وأنا مش في موقع دفاع عن النفس اللى عايز يشتم يشتم كل اللى حصلى مرض في عينى زى مرض أم كلثوم وقالوا دا سبب مخدرات".

وأضافت: "أنا مش مخاصمة الفن، هو اللي مخاصمني، بتتعرض عليا حاجات قليلة ووحشة مش قيمتي، وأنا مش ههزأ نفسي، وهقعد في بيتي وأحترم نفسي وأحترم الجمهور، أختفي أحسن ما أظهر في حاجات ملهاش لازمة، أو أدوار مش قيمتي المهم عندي إني مقدرة نفسي.. يا جبل ما يهزك ريح، واللي مش عايز يقدرني، ميقدرنيش".

وتابعت: "مش مستنية كل الناس تحبني وتقدرني، بس مهنتي لو مقدرتنيش فأنا روح حرة، ومفيش حاجة تقهرني لا راجل، ولا مصيبة، ولا كارثة.. فمش هتقهر، ومش هقعد أستنى يجيني أدوار حلوة أو مناسبة لأني كنت بعمل كدة زمان وأقعد أعيط وأتقهر" مستطردة: "لما كبرت ونضجت وبقيت بفهم شوية، لقيت نفسي قيمة، وأنا مش نجمة ولكن عارفة قيمتي، ولو الفن مقدرنيش خلاص".