الفنانة المصرية نشوى مصطفى تعقب بشأن حديثها عن الفنان الراحل هشام سليم (صورة)

عقبت الفنانة المصرية نشوى مصطفى، على متابعة وصفتها بـ "قليلة الذوق"، بسبب حديث الفنانة عن الفنان الراحل هشام سليم.

حيث كتبت نشوى مصطفى عبر فيسبوك: "واحدة قلبها سواد ونفسها جحيم اتهمتني إني قليلة ذوق إني أقول اللي هشام الله يرحمه عمله مع الأستاذة ثريا إبراهيم، ومتعرفش إن ربنا استخدمني علشان احكي موقف يخلي مئات الآلاف يدعو لهشام بالرحمة".

وأضافت: عايزة أبلغها إن بنت الأستاذة ثريا بنفسها حكت اللي أنا حكيته لإنها بنت أصول وحافظة للجميل. ربنا ينجينا من شروركم وقلوبكم الجحيم".

وكانت الفنانة المصرية قد كتبت عبر حسابها، بعد وفاة الفنان هشام سليم: "افتكرت حاجة عن هشام سليم يمكن مش كتير يعرفوها، في يوم راجعة من التصوير وكان فيها أستاذة ممثلة كبيرة الله يرحمها اسمها ثريا إبراهيم - قالت لي نشوى معنديش عربية توصليني في طريقك لأقرب مكان انزل اخد تاكسي، قلت لها تاكسي إزاي حاوصل حضرتك لباب البيت، واحنا ماشيين قالت لي عارفة الشقة اللي حتوصليني ليها دي مين جابهالي، قلت لها مين؟؟ قالت لي شريهان".

واستكملت "وحكت لي أنها كانت بتشتغل معاها مسرحية شارع محمد علي، وكانت بتيجي كل يوم من طنطا للقاهرة وترجع تاني لإن بيتها كان هناك، ولما شريهان عرفت قالت لها شوفي الشقة اللي تحبيها وأنا حاشتريهالك، ولما اشترتها كانت فرحانة أو ي، ولما هشام عرف بارك لها وقال لها فرشتيها ولا لسه قالت له فرشتها، قال لها كان نفسى أفرشهالك، قالت له وهي بتهزر طيب ما تعمل حاجة تانية قال لها تحت أمرك، قالت له نفسى أحج، تاني يوم لقت شركة سياحة بتكلمها وبلغتها إن هشام دفع كامل التكلفة وكانت خمسين ألف جنيه، وكمان وهي رايحة عطاها مصروف الرحلة وقال لها ادعي لي، بس كده، ألف رحمة ونور.