الفنانة المصرية سماح أنور توجه عدة رسائل للفنانة شرين عبدالوهاب
عقبت الفنانة المصرية سماح أنور على أزمة الفنانة المصرية شرين عبدالوهاب.
حيث حرصت النجمة المصرية سماح أنور على تقديم رسالة دعم النجمة شيرين عبدالوهاب، لمساندتها في أزمتها الأخيرة بعد إيداعها مصحة نفسية.
كما عبّرت سماح أنور من خلال رسالتها عن حبها الشديد لشيرين عبدالوهاب عبر حسابها على فيسبوك.
و كتبت سماح أنور: "يا شيرين.. عايزة أعرّفك على إنسانة بتعشق إنك اتولدتي، أكتر واحدة فرحت بيكي، وعندها كمية كلام وأحلام وإلهام مش هتصدقيها، وهتعوزي مليون عمر على عمرك علشان تكفيها".
وتابعت: عايزاكي مش بس تقابليها، لا نفسي كمان إنك تعينيها، الإنسانة الوحيدة اللي طول عمرها في ضهرك، هي اللي بتسندك في البكاء وفي الفرح، في النصرة وفي الانكسار، في الصحة وفي المرض، في النجاح وحتى الفشل، ماتنسيهاش وما تهينيهاش".
وأضافت: ثقي فيها حني عليها، اسمعي بكاها وخديها في حضنك وحافظي قوي قوي عليها، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ما سابتك ولا خذلتك، اسمها شيرين عبد الوهاب برضه".
واختتمت قائلة: "خللي بالك عليها، واسمعي كده في وسط كل الألم والزعيق والدوشة صوتها الهادي الواطي البسيط بيقولك كلمة واحدة صداها في قلوبنا، اسمعي كده.. قالت إيه؟.. هتقومي".
