بعد تصريحات مهمة.. عماد رشاد يتصدر التريند.. ماذا قال عن فاروق الفيشاوي.. ونصيحته للأزواج؟
تصدر اسم الممثل المصري عماد رشاد مواقع التواصل الاجتماعي بعد تصريحات مهمة أدلى بها خلال لقائه مع عمرو الليثي في برنامج "واحد من الناس".
حيث كشف عماد خلالها عن ذكريات صداقته القوية بالفنان الراحل فاروق الفيشاوي، وكيف فقد 4 من أهم أصدقائه ولماذا بكى على الهواء خلال الحلقة.
ماهي تفاصيل حلقة عماد رشاد مع عمرو الليثي؟
وقال الفنان عماد رشاد إن صداقته القوية بالراحل فاروق الفيشاوي استمرت نحو 50 سنة، مؤكدًا أنه تألم بشدة لرحيل صديقه فاروق الفيشاوي، ولم يتحمل فراق صديق العمر منذ تلك الفترة، حتى أصبح يغلق باب غرفته على نفسه داخل بيته بشكل شبه دائم.
وفي الحلقة، كشف عماد رشاد عن رفض ابنته ياسمين، المشاركة في فيلم صعيدي في الجامعة الأمريكية.
وأوضح الفنان عماد رشاد: مكنش ليا دور في ابتعاد بنتي ياسمين عن الفن، وهي كانت المفروض هتعمل فيلم صعيدي في الجامعة الأمريكية في دور غادة عادل، وخلاص اتفقت مع عائلة العدل على الدور وقبل التصوير بيومين رفضت وقالت مش همثل، وهي بتشتغل دلوقتي فى مجال الديكور.
وتحدث عماد رشاد عن أسرته وأحفاده، قائلا: عندي 3 أحفاد وأنا أقرب واحد ليهم في العيلة، ومرتبط بيهم جدا، وبحاول أقلل من ارتباطي بيهم علشان لما ييجي موعد رحيلي ما يبقاش صعب عليهم، وكتير من الناس نصحوني بكده لأن أسرارهم معايا، وأنا اللي بجيبليهم ملابسهم وكل حاجة، وأنا خايف عليهم من صدمتهم بعد رحيلي».
أما عن علاقته بزوجته الفنانة المعتزلة راوية صالح، قال عماد رشاد: أنا زوج رومانسي وعاطفي جدا، وبجهز العشاء لمراتي على ضوء الشموع، ومستحيل هعمل كده وهي هتبقى وحشة معايا، وأهم حاجة ريح مراتك وقول لها حاضر، واعمل اللي أنت عاوزه.
ووجه عماد رشاد نصيحة للأزواج، قائلا: نصيحتي للشباب لما تعمل غلطة أوعى تعترف، لأن الست الشرقية هتفضل فاكراها ليك، وأنا مش هعترف ولا عمري هعترف، وبقالى 40 أو 45 سنة متزوج، لأني اتجوزت وأنا صغير ومراتي سابت التمثيل بعد سنتين من الجواز بعد ما خلفنا ياسمين، كان قرار خاطئ وكنت أتمنى إنها كانت ترجع تشتغل علشان كانت مركزة معايا أنا بس.
