رسالة حمو بيكا لطلاب الثانوية العامة تخطف القلوب على "السوشيال"

وجه الفنان المصري ومطرب المهرجانات الشهير بـ حمو بيكا، اليوم، رسالة هامة إلى طلاب الثانوية العامة، مشددًا على ضرورة التعليم والنجاح في تلك المرحلة الهامة من الحياة.

وقال "بيكا" في منشور مطول له عبر "فيس بوك": "رسالة لطلاب الثانوية العامة والكليات..هو أنا آه مش متعلم واخدت (محو الأمية) بالعافية لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني والله طعم النجاح مع العلم مختلف تمامًا عن طعم النجاح من غير علم".

وأضاف: "العلم بيفرق في كل حاجه في الدنيا، كمية معاناه بشوفها يوميًا بسبب إني مش متعلم كبيرة أوي مش بتمني حد منكم يشوفها أو يتعرض لها، العلم بيستر كتير أوي وبيخليك واعي ومتفتح في كل مجالات الحياة"، متابعًا: "هو اه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها، بس يكفي انك متعلم ومعاك شهادة تقدر تسد بيها عين الشمس".

وأوضح: "اتعلموا وخلوا بالكم من تعليمكم وشهداتكم لأنها هتفرق كتير أو ي معاكوا ومع عيالكم بعد كده.. أنا اه مادخلتش مدارس وماتعلمتش، بس حابب كل اللي حواليا ناجح ومتعلم وأوعي يوم تقول أهو فلان ناجح بس مش متعلم ".

وكشف الدكتور طارق شوقي وزير التربية والتعليم المصري، اليوم الأربعاء، عن اتخاذ قرارات هامة بشأن امتحانات الثانوية العامة، على رأسها عدم السماح للطلاب بدخول لجان امتحانات الثانوية العامة 2022 بأي أجهزة إلكترونية "موبايل- سماعات"، حرصا على إجراءات مكافحة الغش، وأوضح وزير التربية والتعليم المصري، أنه سيتم الالتزام في امتحانات الثانوية العامة 2022 بكافة ضوابط الامتحانات.

ومن المقرر أن تبدأ امتحانات الثانوية العامة، في 20 يونيو الجاري، وعلى إثر ذلك عقد الدكتور طارق شوقى اجتماعًا مع مديري المديريات التعليمية عبر الفيديو كونفرانس؛ لإعلان التعليمات النهائية الخاصة بأعمال اللجان بـ امتحانات الثانوية العامة 2022، بحضور الدكتور رضا حجازي نائب الوزير لشئون المعلمين وعدد من قيادات الوزارة، مؤكدًا أن عدد الطلاب المتقدمين لـ  امتحانات الثانوية العامة 2022  يبلغ 707 آلاف و992 طالبا/طالبة (الشعبتين العلمية والأدبية)، داخل 2089 لجنة سير بكل قطاع على مستوى الجمهورية.