الفنانة المصرية عفاف شعيب تكشف كواليس تعرضها للسحر (فيديو)

أكدت الفنانة المصرية عفاف شعيب بأنها تعرضت للسحر من سيدة كانت تريد تخريب علاقتها بزوجها السابق رجل الأعمال رياض العريان.

كما قالت عفاف شعيب، في لقائها مع برنامج "كلام الناس" على فضائية "إم بي سي مصر": "واحدة عملتلي سحر عشان جوزي يسيبني وتخطفه مني".

وأضافت: "أنا قولت يا رب أنت وكيلي، وبالفعل العربية اتقلبت بيها، ولحد النهارده عايشة عاجزة، أنا عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص".

وبشان علاقتها بزوجها، قالت عفاف شعيب: "عمري ما أخدت فلوس من زوجي رياض العريان زي ما الناس بتقول، بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير، حوالي 45 ألف جنيه، وطلبت أستلف منه الفلوس، لكنه رفض وقالي عربيتك حلوة مش محتاجة تغيريها، وربنا بعتلي شغل، والحمد لله جبت العربية من فلوسي".