السيناريست المصري تامر حبيب يوجه رسالة شديدة اللهجة للساخرين من تضامنه مع منة شلبي

تصدر اسم السيناريست المصري تامر حبيب مواقع التواصل الاجتماعي خلال الساعات الماضية، بعدما وجه  رسالة شديدة اللهجة إلى الساخرين من منشور كتبه تضامنا مع مواطنته الفنانة منة شلبي بعد حكم حبسها سنة مع إيقاف التنفيذ.

وقال تامر حبيب في منشور عبر حسابه على "فيسبوك": "فوجئت بناس كتير بتعمل إيموجي ضحك على تعليقات أصدقائي في البوست اللي نزلته من شوية بقول فيه الحمد لله على الحكم في قضية منة شلبي، والموضوع استفزني وماكنتش فاهم ليه، فدخلت أشوف مين الناس اللي فشتها عايمة قوي كده".

وأضاف: "لقيتهم كلهم ناس ماعرفهومش ومن بروفايلاتهم أي عيل أهبل يفهم الناس دول اتجاهاتهم ايه وقصدهم ايه، فتمام، اضحكوا جامد، على الأقل انتوا بتضحكوا أو بتسخروا من خبر مبهج ومفرح كل البني آدمين اللي تتوفر فيهم مواصفات الإنسانية".

وتابع: "إن شاء الله لما نشوفكم في مصايب وأزمات ومحن تحرق قلوبكم وقلوب اللي بيحبوكم، ده لو كان فيه حد بيحبكم أو كنتوا تفهموا أصلًا يعني إيه حب، إحنا مش هنضحك، إحنا هانقول اللهم لا شماتة، وحسبنا الله ونعم الوكيل".

وشارك تامر حبيب قبل هذا المنشور صورة تجمعه بمنة شلبي عبر حسابه الرسمي على إنستجرام، وعلق عليها: "الحمدلله.. ربنا كريم.. يحيا العدل".

وكانت محكمة جنايات شمال القاهرة قضت، الخميس، بحبس الفنانة منة شلبي سنة مع إيقاف التنفيذ، في قضية اتهامها بإحراز الحشيش بقصد التعاطي.

وغرمت المحكمة المتهمة 10 آلاف جنيه عن التهمة المسندة إليها.