يسرا تعود للحديث عن عدم إنجابها طوال حياتها.. وتوجه رسالة إلى كل السيدات

تصدر اسم الفنانة المصرية يسرا مواقع التواصل الاجتماعي خلال الساعات الماضية.

حيث  عادت الفنانة المصرية يسرا للحديث عن عدم إنجابها طوال حياتها، مؤكدة أنها تحمد الله على ذلك.

وحلّت يسرا ضيفة ببرنامج "كلام نواعم" عبر قناة mbc1، وروت قصة اتخاذها قرار عدم الإنجاب.

كما قالت إنها كانت تطمح للزواج والإنجاب في بداية حياتها، لكنها فقدت طفلين في الزواج الأول، متابعة: "لما اتجوزت خالد قولتله نخلف ملقتوش مبسوط من الموضوع دا وقال نشوف".

وتابعت: "قولت مش عاوز يخلف مني وسألته إن كان قلقان إني مكونش أم كويسة قالي إنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله إني مخلفتش".

حيث وجهت رسالة إلى كل السيدات، قائلة: "إوعوا تزعلوا من قدر ربنا مديهولكم قدر أنتم مش حاسين بيه، مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا وشفت ناس أولادهم عاصيين ليهم، معرفش إيه ممكن كان يحصلي ممكن مكنش استحمل أن يكون عندي طفل ويموت وبالنسبة لي خالد هو حياتي وابني وجوزي ربنا عوضني وبقول للي ما خلفش ميزعلش واللي خلف يحمد ربنا".