معلومات جديدة بشأن أزمة اللاعب محمد عدلان.. أين يتجه؟
![عدلان](images/no.jpg)
اندلعت أزمة، مساء السبت، بعدما خرج اللاعب محمد عدلان في فيديو مصور يعلن رغبته الانتقال للزمالك، وذلك بعد إعلان الأهلي التعاقد معه رسميًّا.
وقال محمد فارس عبر حسابه علي فيسبوك، في لاعب اسمه محمد عدلان بيلعب كرة يد كان في طلائع الجيش والأهلي أعلن ضمه رسميًا، اللاعب طلع انهاردة وسجل فيديو إنه زمالكاوي وعايز يروح الزمالك، هووب طلع الزمالكاوية وقالك بس ادي اللي بيحصل ادي المنظومة، ادي إجبار اللاعيبة وتدميرها، ادي قصة احمد رفعت جديد !
وتابع: وبعيدًا عن إستغلال اسم احمد رفعت اللي بقى موضة شوية تستغله لاعبة درجات بتضر ب زميلتها وشوية كل واحد يعمل حاجة غلط يستخدمه عشان يطلع ضحية وبقت هيصة، لكن المضحك في الموضوع إن اللي بيتكلموا عن المنظومة وانضمام اللاعبين بخلاف رغبتهم نسيوا جدو اللي تم تزوير توقيعه، نسيوا هاني السعيد اللي وقع بالإجبار رغم رغبته يلعب للأهلي ونسيوا من التاريخ يكن حسين ولمعي ونسيوا إن الأهلي ادى شيكابابا ووائل القباني وايمن حفني عقودهم بعد تراجعهم عن اللعب للأهلي.
وأضاف: بس الأهلي يتعامل بالشكل ده مع من يستحق مش مع اللي يحاول يتلاعب بيه ويشوه صورته. انا محبش أشوف بتيشريت الأهلي اي لاعب مش عايز يلعب للأهلي ولكن ده مش معناه التفريط في حقوقنا أو ان حد يستغلنا ويبتزنا.
واختتم وزي ما الأهلي خاض صراعات قوية قبل كده في إنتقالات لاعبين زي جدو واحمد الشيخ ومؤمن زكريا حفاظًا على حقوقه أتمنى نتمسك بحقوقنا كاملة في ملف اللاعب محمد عدلان وبعد إثبات حق الاهلي في ضم اللاعب وقتها يتصرف الأهلي بما يناسبه وبارادته مش باللي حد عايز يجبرنا عليه.
![](/Upload/libfiles/18/3/158.png)
انضموا لقناة متن الإخبارية علي تيليجرام وتابعوا اهم الاخبار في الوقت المناسب.. اضغط هنا https://t.me/matnnews1